பதிவு செய்த நாள்
12 ஜூலை2019
23:21
புதுடில்லி:நடப்பு நிதியாண்டின், முதல் காலாண்டில், ‘இன்போசிஸ்’ நிறுவனத்தின் நிகர லாபம், 5.2 சதவீதம் அதிகரித்து உள்ளது.
தகவல் தொழில்நுட்ப துறையில், நாட்டில் இரண்டாவது இடத்தில் இருக்கும், மிகப் பெரிய நிறுவனமான, இன்போசிஸ், நடப்பு நிதியாண்டின், முதல் காலாண்டில், 3,802 கோடி ரூபாயை நிகர லாபமாக ஈட்டியுள்ளது.கடந்த நிதியாண்டின், முதல் காலாண்டில், இதுவே, 3,612 கோடி ரூபாயாக இருந்தது. அதாவது தற்போது, 5.2 சதவீதம் வளர்ச்சி அடைந்து உள்ளது.
இது குறித்து, இந்நிறுவனம் மேலும் தெரிவித்துஉள்ளதாவது:நிறுவனத்தின் வருவாய், 13.9 சதவீதம் அதிகரித்துள்ளது. நடப்பு நிதியாண்டின், முதல் காலாண்டில், 21 ஆயிரத்து, 803 கோடி ரூபாய் வருவாயை, நிறுவனம் ஈட்டியுள்ளது.இதுவே, கடந்த நிதியாண்டில், 19 ஆயிரத்து, 128 கோடி ரூபாயாக இருந்தது.
கடந்த நிதியாண்டின், நான்காவது காலாண்டில், நடப்பு நிதியாண்டின் வருவாய் வளர்ச்சி, 7.5 –- 9.5 சதவீதமாக இருக்கும் என எதிர்பார்ப்பதாக தெரிவித்திருந்தோம்.தற்போது, நடப்பு நிதியாண்டுக்கான வருவாய் வளர்ச்சி வழிகாட்டல், 8.5 –- 10 சதவீதமாக அதிகரிக்கப்பட்டு உள்ளது.
தரவுகள் தயாரிக்கும் நிறுவனமான, அமெரிக்காவைச் சேர்ந்த, டிரைபேக்டா நிறுவனத்தில், மேலும் கூடுதலாக, 41 கோடி ரூபாய் முதலீட்டை மேற்கொள்ள நிர்வாக குழுவில் முடிவு எடுக்கப்பட்டுள்ளது.இவ்வாறு, அறிக்கையில் தெரிவிக்கப்பட்டுஉள்ளது.மும்பை பங்குச் சந்தையில், நேற்று இன்போசிஸ் நிறுவன பங்கு விலை, 727.10 ரூபாயாக இருந்தது. வர்த்தகத்தின் இடையே அதிகபட்சமாக, 730.85 ரூபாயாக இருந்தது.
மேலும் ஐ.டி செய்திகள்
|
Advertisement
|
Advertisement
|
Advertisement
|
|
|
|