புதுடில்லி:உள்நாட்டு பயணியர் வாகன விற்பனை, செப்டம்பர் மாதத்தில், 23.69 சதவீதம் சரிந்துள்ளதாக, இந்திய வாகன தயாரிப்பாளர்கள் கூட்டமைப்பான, ’சியாம்’ தெரிவித்துள்ளது.இது குறித்து, இந்தகூட்டமைப்பு மேலும் தெரிவித்துள்ளதாவது:

கார் விற்பனை

கடந்த செப்டம்பரில், உள்நாட்டில், பயணியர் வாகன விற்பனை, 23.69 சதவீதம் சரிவை கண்டுள்ளது. இம்மாதத்தில் மொத்தம், 2.23 லட்சம் வாகனங்கள் விற்பனை ஆகியுள்ளன. இதுவே, இதற்கு முந்தைய ஆண்டில், இதே காலகட்டத்தில், 2.93 லட்சம் வாகனங்கள் விற்பனை ஆகியிருந்தன.


கடந்த, 11 மாதங்களாக, தொடர்ந்து வாகனங்கள் விற்பனையில் சரிவு ஏற்பட்டு வருகிறது.உள்நாட்டில் கார் விற்பனை, செப்டம்பரில், 33.4 சதவீதம் சரிந்து மொத்தம், 1.31 லட்சம் கார்கள் மட்டுமே விற்பனை ஆகியுள்ளன. இதுவே, இதற்கு முந்தைய ஆண்டு செப்டம்பர் மாதத்தில், 1.97 லட்சம் கார்கள் விற்பனை செய்யப்பட்டிருந்தது குறிப்பிடத்தக்கது.



மோட்டார் சைக்கிள் விற்பனையை பொறுத்தவரை, கடந்த மாதத்தில், 23.29 சதவீதம் சரிவு ஏற்பட்டு, மொத்தம், 10.44 லட்சம் வாகனங்கள் விற்பனை ஆகியுள்ளன. கடந்த ஆண்டு செப்டம்பரில், 13.60 லட்சம் வாகனங்கள் விற்பனை ஆகியிருந்தன என்பது குறிப்பிடத்தக்கது.



வர்த்தக வாகனம்

இரண்டு சக்கர வாகனங்கள் பிரிவில், 22.09 சதவீதம் சரிவு கண்டு, 16.57 லட்சம் வாகனங்கள் விற்பனை ஆகியுள்ளன. கடந்த ஆண்டு செப்டம்பரில், 21.26 லட்சம் வாகனங்கள் விற்பனை ஆகியிருந்தன.வர்த்தக வாகனங்களைப் பொறுத்தவரை, 39.06 சதவீதம் சரிந்துள்ளது. கடந்த ஆண்டு செப்டம்பரில், 95 ஆயிரத்து, 870 வாகனங்கள் விற்பனை செய்யப்பட்டிருந்த நிலையில் கடந்த செப்டம்பரில், 58 ஆயிரத்து, 419 வாகனங்கள் மட்டுமே விற்பனை ஆகியுள்ளன.


வாகனங்களின் பதிவை பொறுத்தவரை, கடந்த செப்டம்பரில், 22.41 சதவீதம் சரிவு ஏற்பட்டு, 20.04 லட்சம் வாகனங்கள் மட்டுமே பதிவு செய்யப்பட்டுள்ளன. இதுவே, கடந்த ஆண்டு செப்டம்பரில் மொத்தம், 25.84 லட்சம் வாகனங்கள் பதிவு செய்யப்பட்டிருந்தன என்பது குறிப்பிடத்தக்கது.இவ்வாறு சியாம் தன் அறிக்கையில் தெரிவித்துள்ளது.

மேலும் ஆட்டோமொபைல் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 11,2019

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 11,2019

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 11,2019

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 11,2019

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 11,2019

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்