பதிவு செய்த நாள்
14 நவ2019
23:56
புதுடில்லி:நாட்டின், மொத்த விலை அடிப்படையிலான பணவீக்கம், கடந்த செப்டம்பர் மாதத்துடன் ஒப்பிடுகையில், மூன்றரை ஆண்டுகளில் இல்லாத அளவுக்கு, அக்டோபரில் குறைந்துள்ளது.
கடந்த செப்டம்பர் மாதத்தில், மொத்த விலை பணவீக்கம், 0.33 சதவீதமாக இருந்த நிலையில், அக்டோபரில், 0.16 சதவீதமாகக் குறைந்துள்ளது.உணவு பொருட்கள் அல்லாத பொருட்களின் விலை குறைவும், உற்பத்தி பொருட்களின் விலை குறைவும், மொத்த விலை பணவீக்கம் குறைவதற்கு காரணமாக இருந்ததாக அரசின் தரவுகள் தெரிவிக்கின்றன.
மாதாந்திர மொத்த விலை குறியீட்டை அடிப்படையாகக் கொண்ட, ஆண்டு பணவீக்கம், 2018ம் ஆண்டில், 5.54 சதவீதமாக இருந்தது.உணவு பொருட்களுக்கான விலை உயர்வு விகிதம், மதிப்பீட்டு மாதத்தில், 9.80 சதவீதமாகவும், உணவு அல்லாத பொருட்களின் விலை உயர்வு விகிதம், 2.35 சதவீதமாகவும் இருந்ததாக மத்திய தொழில் மற்றும் வர்த்தக துறை தெரிவித்து உள்ளது.தயாரிக்கப்பட்ட பொருட்களின் மொத்த விலை பணவீக்கம், கடந்த அக்டோபர் மாதத்தில், மைனஸ் 0.84 சதவீதமாக உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|