புதுடில்லி : எஸ் அண்டு பி குளோபல் ரேட்டிங்ஸ் நிறுவனம், அடுத்த நிதியாண்டில், நாட்டின் மொத்த உள்நாட்டு உற்பத்தி வளர்ச்சி, 5.2 சதவீதமாக இருக்கும் என்று குறைத்து அறிவித்துள்ளது. மேலும், நடப்பு நிதியாண்டில், 5 சதவீதமாக இருக்கும் என்றும் தெரிவித்துள்ளது.



ஏப்ரல், 1ம் தேதியிலிருந்து துவங்கும், அடுத்த நிதியாண்டில், நாட்டின் வளர்ச்சி, 6.5 சதவீதமாக இருக்கும் என்று முன்பு கணித்திருந்த, எஸ் அண்டு பி குளோபல் ரேட்டிங்ஸ் நிறுவனம், தற்போது அதை, 5.2 சதவீதமாக குறைத்து கணித்து அறிவித்துள்ளது. கொரோனா வைரஸ் தாக்குதலால், பொருளாதாரத்தில் பாதிப்பு ஏற்படும் என்பதால், பொருளாதார வளர்ச்சி கணிப்பை குறைத்திருப்பதாக அறிவித்துள்ளது.மேலும், 2021--- – 22 நிதியாண்டுக்கான கணிப்பையும், 7 சதவீதத்திலிருந்து, 6.9 சதவீதமாக குறைத்துள்ளதாகவும் தெரிவித்துள்ளது.



இந்த மார்ச் மாதத்துடன் முடிவடையும், நடப்பு நிதியாண்டுக்கான வளர்ச்சி, 5 சதவீதமாக இருக்கும் என்று தெரிவித்துள்ளது.மேலும், பணவீக்க விகிதம், அடுத்த நிதியாண்டில், 4.4 சதவீதமாக இருக்கும் என்றும் தெரிவித்துள்ளது. தற்போது இது, 4.7 சதவீதமாக இருக்கிறது.மேலும், 2021- – 22ல் பணவீக்கம், 4.2 சதவீதமாக இருக்கும் என்றும் தெரிவித்துள்ளது. ரிசர்வ் வங்கியின் வட்டி விகிதம் தற்போது, 5.15 சதவீதமாக இருக்கும் நிலையில், அடுத்த நிதியாண்டில், 4.5 சதவீதமாக இருக்கும் என்றும் கணித்துள்ளது.


கொரோனா வைரஸ் பரவல் குறித்து நிச்சயமற்ற தன்மை நிலவுகிறது என்றும், சில அரசு அமைப்புகள், இந்த பாதிப்பு, ஜூன் அல்லது ஆகஸ்டில் மிக அதிகமாக இருக்கும் என்று தெரிவித்துள்ளது.அதன் அடிப்படையில் கணிப்புகளை மேற்கொண்டதாகவும், எஸ் அண்டு பி குளோபல் ரேட்டிங்ஸ் நிறுவனம் தெரிவித்துள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மார்ச் 24,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மார்ச் 24,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மார்ச் 24,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மார்ச் 24,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மார்ச் 24,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்