மும்பை:கடந்த ஜூன் மாதத்தில், வேலைவாய்ப்பு நடவடிக்கைகள் ஓரளவு அதிகரித்து உள்ளதாக, அறிக்கை ஒன்று தெரிவித்துள்ளது.

கொரோனா பரவல் காரணமாக, நாடு முடக்கப்பட்ட நிலையில், கடந்த ஆண்டைவிட இந்த ஆண்டில், பணியமர்த்தும் நடவடிக்கைகள் குறிப்பிட்ட அளவுக்கு குறைந்து வந்த போதும் கூட, ஜூன் மாதத்தில், அதற்கு முந்தைய மாதத்தை விட அதிகரித்துள்ளது.

தளர்வுகள்

இது குறித்து, ‘நவ்க்ரி டாட் காம்’ நிறுவனத்தின் அறிக்கையில் தெரிவிக்கப்பட்டுள்ளதாவது: கடந்த ஜூன் மாதத்துக்கான, ‘நவ்க்ரி ஜாப்ஸ்பீக்’ குறியீடு, 1,208 ஆக உள்ளது. கடந்த மே மாதத்துடன் ஒப்பிடும்போது இது, 33 சதவீதம் அதிகமாகும். கடந்த மே மாதத்தில் இது, 910 ஆக இருந்தது.கொரோனா பரவல் காரணமாக, நாடு முடக்கப்பட்டதை அடுத்து, விருந்தோம்பல், சில்லறை விற்பனை, வாகன துறை ஆகிய துறைகளில், ஆட்களை பணிக்கு அமர்த்துவது மிகவும் பாதிக்கப்பட்டுள்ளது.

தற்போது தளர்வுகள் படிப்படியாக அதிகரிக்கப்படுவதை அடுத்து, இந்த துறைகளில் பணியமர்த்தல் அதிகரித்து வருகிறது. ஜூன் மாதத்தில், அதற்கு முந்தைய மாதத்துடன் ஒப்பிடும்போது, விருந்தோம்பல் துறையில் பணியமர்த்தல், 107 சதவீதமும்; வாகன துறையில், 77 சதவீதமும் அதிகரித்துள்ளது தெரியவந்துள்ளது.

முன்னேற்றம்

இருப்பினும், கடந்த ஆண்டு ஜூன் மாதத்துடன் ஒப்பிடும்போது, தற்போதைய குறியீடு, 44 சதவீத சரிவாகும்.கடந்த இரு மாதங்களுடன் ஒப்பிடும்போது, ஜூன் மாதத்தில் தகவல் தொழில்நுட்பம், நுகர்பொருள் துறை ஆகியவற்றில் சிறிது முன்னேற்றம் தெரிய வந்து உள்ளது.வரும் மாதங்களில், மேலும் முன்னேற்றம் இருக்கும் என கருதப்படுகிறது.இவ்வாறு அறிக்கையில் தெரிவிக்கப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூலை 08,2020

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூலை 08,2020

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூலை 08,2020

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூலை 08,2020

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூலை 08,2020

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்