பதிவு செய்த நாள்
12 அக்2020
22:29
புதுடில்லி:நாட்டின் தொழில் துறை உற்பத்தி வளர்ச்சி, கடந்த ஆகஸ்ட் மாதத்தில், 8 சதவீதம் சரிந்துள்ளது. இதற்கு, தயாரிப்புத் துறை, சுரங்கம், மின்சாரம் ஆகிய துறைகளில் உற்பத்தி குறைந்து போனது முக்கிய காரணமாக அமைந்துள்ளது.
இது குறித்து, மத்திய புள்ளியியல் அமைச்சகம் வெளியிட்டுள்ள அறிக்கையில் கூறப்பட்டுள்ளதாவது:நாட்டின் தொழில் துறை உற்பத்தி வளர்ச்சியானது, கடந்த ஆகஸ்ட் மாதத்தில், 8 சதவீதம் அளவுக்கு சரிவைக் கண்டுள்ளது.இதுவே, கடந்த ஆண்டு ஆகஸ்ட் மாதத்தில், நாட்டின் தொழில் துறை உற்பத்தி, 1.4 சதவீதம் சரிவைக் கண்டிருந்தது.
மதிப்பீட்டு மாதத்தில், தொழில் துறை உற்பத்தி குறியீட்டின் தரவுகள் அடிப்படையில் பார்க்கும்போது, தயாரிப்புத் துறையின் வளர்ச்சி, 8.6 சதவீதம் அளவுக்கு சரிவைக் கண்டுள்ளது. இதேபோல், சுரங்கத் துறையின் உற்பத்தி வளர்ச்சி, 9.8 சதவீதம் குறைந்துள்ளது. மேலும், மின்சாரத் துறை உற்பத்தியும், 1.8 சதவீதம் குறைந்துள்ளது.மூலதன பொருட்கள் உற்பத்தி வளர்ச்சியும், 15.4 சதவீதம் குறைந்துள்ளது.
கடந்த ஜூலை மாதத்தில், முதலில் அறிவிக்கப்பட்டிருந்த தொழில் துறை உற்பத்தி வளர்ச்சி, மைனஸ், 10.4 என்பதிலிருந்து, மைனஸ், 10.8 சதவீதமாக திருத்தி அறிவிக்கப்படுகிறது. மே மாதத்திலும் சரிவு, 33.9 சதவீதம் என்பதிலிருந்து, 33.4 சதவீதமாக திருத்தி அறிவிக்கப்படுகிறது. ஜூன் மாதத்தில் எந்த மாற்றமும் செய்யப்படவில்லை.இவ்வாறு தெரிவிக்கப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|