பதிவு செய்த நாள்
09 ஏப்2021
22:43
கேனன் நிறுவனம் பிரபல இயக்குனர், ஒளிப்பதிவாளர், திரைப்படத் தயாரிப்பாளர் சந்தோஷ் சிவனைத் தனது சினிமா இஓஎஸ் அம்பாசிடர் புரோகிராமின் ஓர் அங்கமாக இணைத்துக் கொண்டுள்ளது.
இந்தியத் திரைப்பட உலகில் பிரபலமான ஒளிப்பதிவாளர் சந்தோஷ் சிவன். முப்பது ஆண்டு அனுபவத்துடன் தமிழ், மலையாளம், இந்தி மற்றும் தெலுங்கு உள்ளிட்ட தென் இந்திய மொழிகளில் பல்வேறு படங்களில் பணியாற்றி உள்ளார். சுமர் வர்மா–அண்டர்வாட்டர் சினிமா பிரிவு, அல்போன்ஸ் ராய், பேடி புரதர்ஸ் (விஜய் பேடி அண்ட் அஜய் பேடி), ப்ரியா துவஸ்ஸெர்ரி மற்றும் ராஜேஷ் குப்தா உள்ளிட்ட பல பிரபல ஒளிப்பதிவாளர்களை இந்த புரோக்கிராமின் ஓர் அங்கமாகக் கொண்டுள்ளது.
கேனன் அறிமுகப்படுத்தி உள்ள சமீபத்திய சினிமா மேகராவான இஓஎஸ் சி70 சினிமா கேமராவுடன் சிவன் பணியாற்ற உள்ளார். இது கேனன் நிறுவனத்தின் முதல் ஆர்எப் மவுண்ட் சினிமா இஒஎஸ் கேமரா மற்றும் வித்தியாசமான ஒடிடி கண்டெண்ட் உருவாக்கும் திறன் கொண்டதாகும்.
இதுகுறித்து சந்தோஷ் சிவன் பேசுகையில், ‘கேனன் இஓஎஸ் சினிமா அம்பாசடர் குடும்பத்தின் ஓர் அங்கமாக இருப்பதில் மகிழ்ச்சி அடைகிறேன். இந்த புரோக்கிராம் மூலம், கேனன் நிறுவனத்துடன் இணைந்து செயல்படுவதுடன், நாட்டில் அனைவரும் விரும்பும் ஒளிப்பதிவுக் கலை மீதான ஆர்வத்தை ஊக்குவிக்கவும் வாய்ப்பு கிடைத்துள்ளது. மிரர்லெஸ் ஆர்எப் தொழில்நுட்பத்துடன் கூடிய சினிமா இஓஎஸ் கேமராவைத் தேர்ந்தெடுப்பது தொழில்நுட்ப ரீதியில் மிகச் சிறந்த இணைப்பாகும். கேனன் சினிமா இஓஎஸ் சி70 கேமரா, 8கே வீடியோ ரிக்கார்டிங்க் வசதிகளுடன் கூடிய புரட்சிகரமான மிரர்லெஸ் கேன்ன் இஓஎஸ் ஆர்5 கேமரா ஆகியவை என்னுடைய சமீபத்திய தேர்வுகளாகும்’ என்றார்.
சினிமா இஓஎஸ் அம்பாசிடர் புரோகிராம் குறித்து கன்ஸ்யூமர் சிஸ்டம்ஸ் புராடக்ட்ஸ் மற்றும் இமேஜிங்க் கம்யூனிகேஷன் புராடக்ட்ஸ் இயக்குனர் சி சுகுமாரன் கூறுகையில், ‘சந்தோஷ் சிவனை எங்கள் கேனன் சினிமா இஓஎஸ் அம்பாசிடராக இணைத்துக் கொள்வதில் மகிழ்ச்சி அடைகிறோம். தற்போதைய மற்றும் எதிர்காலத் தலைமுறை ஒளிப்பதிவாளர்கள் மற்றும் திரைப்படத் தயாரிப்பாளர்களுக்கு கேனன் இஓஎஸ் அம்பாசடர் புரோக்கிராம் ஊக்கமளித்து ஆதரவளிக்கும். எங்களது கேனன் சினிமா இஓஎஸ் அம்பாசடர்கள் மூலம் திரைப்படத் தயாரிப்பை சமீபத்திய போக்குகள் மற்றும் நவீன தொழில்நுட்பத்துடன் பரவலாக்குவதை நோக்கமாகக் கொண்டுள்ளோம்’ என்றார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|