புதுடில்லி:பட்ஜெட் விமான போக்குவரத்து நிறுவனமான, ‘கோ ஏர்லைன்ஸ்’ புதிய பங்கு வெளியீட்டுக்கு வருவதற்காக, பங்குச் சந்தை கட்டுப்பாட்டு அமைப்பான, ‘செபி’யிடம் விண்ணப்பித்துள்ளது.

கோ ஏர்லைன்ஸ் நிறுவனம், அண்மையில் நிறுவனத்தின் பெயரை, ‘கோ பர்ஸ்ட்’ என மாற்றம் செய்திருந்தது. இந்நிலையில், 3,600 கோடி ரூபாய் நிதி திரட்டும் வகையில், புதிய பங்கு வெளியீட்டுக்கு வர திட்டமிட்டுள்ளது.‘வாடியா’ குழுமத்துக்கு சொந்தமான இந்த விமான போக்குவரத்து நிறுவனம், 15 ஆண்டுகளாக செயல்பட்டு வருகிறது.

இந்நிறுவனம், 3,600 கோடி ரூபாய் திரட்டும் பொருட்டு, பங்குதாரர்களின் பங்குகளை விற்பனைக்கு விடுக்க இருக்கிறது.திரட்டப்படும் நிதியைக் கொண்டு கடனை அடைக்கவும், விமானங்களை பராமரிக்கவும், ரொக்க இருப்பு வைத்துக் கொள்ளவும் திட்டமிட்டு உள்ளது.

மேலும், எரிபொருள் வாங்கிய வகையில், ‘இந்தியன் ஆயில் கார்ப்ப ரேஷன்’ நிறுவனத்துக்கு கொடுக்க வேண்டிய கடனை முழுமையாகவோ அல்லது ஒரு பகுதியையோ கொடுக்கவும் திட்டமிட்டு உள்ளது.

இந்நிறுவனம் தற்போது மிகவும் குறைந்த கட்டணத்திலான சேவையை வழங்குவதில் கவனம் செலுத்தி வருகிறது. தற்சமயம், ‘இண்டிகோ,ஸ்பைஸ்ஜெட்’ ஆகிய இரு நிறுவனங்கள் மட்டுமே, இந்திய பங்குச் சந்தைகளில் பட்டியலிடப்பட்டுள்ளன.இது குறித்து, இந்நிறுவனத்தின் தலைமை செயல் அதிகாரி கவுசிக் கோனா கூறும்போது, ‘‘கடந்த 15 மாதங்களாக மிகவும் கடினமான காலத்தில் உள்ளது நிறுவனம்.

அசாதாரண சூழல்கள் தொடர்ந்தாலும், கோ பர்ஸ்ட் நிறுவனம், அதில் வாய்ப்புகளை பார்க்கிறது.‘‘நிறுவனத்துக்கு மறுபெயரிட்டது, நாளைய தினம் பிரகாசமாக இருக்கும் என்ற நம்பிக்கையை பிரதிபலிப்பதாக இருக்கிறது,’’ என, தெரிவித்துள்ளார்.

மேலும் பங்கு வர்த்தகம் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 14,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 14,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 14,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 14,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 14,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்