டி.டி.எஸ்., எனப்படும் வருமான வரி பிடித்தம் தொடர்பான புதிய விதிகள், வரும் ஜூலை 1ம் தேதி முதல் அமலுக்கு வருகின்றன. இதற்கான அறிவிப்பு, 2021 பட்ஜெட்டில் வெளியானது. இது தொடர்பாக, வருமான வரி சட்டத்தில் புதிய பிரிவு சேர்க்கப்பட்டுள்ளது. இதன்படி, குறிப்பிட்ட அளவுக்கு மேல் வருமான வரி பிடித்தம் செய்யப்பட்டிருந்து, வருமான வரி கணக்கு தாக்கல் செய்யாமல் இருந்தால், இரட்டிப்பு டி.டி.எஸ்., செலுத்த வேண்டும் மற்றும் அபராதமும் விதிக்கப்படலாம். வருமான வரி பிடித்தம் தொடர்பான புதிய விதிகள் செயல்படும் விதம் பற்றி பார்க்கலாம்.


டி.டி.எஸ்., ஏன்?


வருமானம் ஈட்டும் போது, மூலத்தில் வருமான வரி பிடித்தம் செய்யப்படுகிறது. இது, டி.டி.எஸ்., என குறிப்பிடப்படுகிறது. இதே போல பொருட்களை வாங்கும் போதும், வரி பிடித்தம் செய்யப்படுகிறது. பரிவர்த்தனைகளை வருமான வரித்துறை அறியும் வகையில் இவ்வாறு செய்யப்படுகிறது.


வரி பிடித்தம்:


மாத ஊதியம், டிவிடெண்ட், வட்டி வருமானம், வாடகை, ஒப்பந்த வருமானம் உள்ளிட்டவற்றுக்கு வருமான வரி பிடித்தம் உண்டு. இது, வெவ்வேறு விதமாக அமைகிறது. டிவிடெண்ட் மீது, 10 சதவீதம் பிடித்தம் என்றால், ஒப்பந்த பணம் மீது 10 சதவீதம் வரை இருக்கலாம். விற்பனை வருமானம், வாடகைக்கு 5 சதவீதம்.


விதியில் மாற்றம்:


இதுவரை, ‘பான் கார்டு’ இல்லாதவர்களிடம் இருந்து அதிக வரி பிடித்தம் செய்யப்பட்டு வந்தது. புதிய விதிமுறைபடி, ஆண்டுக்கு 50 ஆயிரத்துக்கு மேல் டி.டி.எஸ்., அல்லது டி.சி.எஸ்., பிடித்தம் செய்யப்பட்டிருந்து, வருமான வரி கணக்கு தாக்கல் செய்யவில்லை எனில், இரட்டிப்பு வரி பிடித்தம் செய்யப்படும்.


வட்டி வருமானம்:


டிவிடெண்ட், வைப்பு நிதி வட்டி, சேவை வருமானம் போன்றவற்றுக்கு இந்த விதி பொருந்தும். மாத ஊதியம், இதர சில வருமானங்களுக்கு விலக்கு அளிக்கப்பட்டுள்ளது. பி.எப்., பணத்திற்கும் விலக்கு உண்டு. குறிப்பிட்ட வரம்பிற்கு மேல் வரி பிடித்தம் செய்யப்பட்டவர்கள் பட்டியலை, வருமான வரித்துறை தயார் செய்துள்ளது.


பாதிப்பு என்ன?


முந்தைய இரண்டு நிதியாண்டுகளுக்கான வருமான வரி தாக்கல் விபரம் கணக்கில் கொள்ளப்படும். எனவே, 2018 மற்றும் 2019 ஆகிய ஆண்டுகளுக்கு வரி தாக்கல் செய்யாதவர்கள், இந்த வரம்பிற்குள் வந்தால் இரட்டிப்பு வரி செலுத்த வேண்டும். இதை தவிர்க்க, தாமதமாகவும் வரி தாக்கல் செய்யலாம்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூன் 27,2021

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூன் 27,2021

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூன் 27,2021

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூன் 27,2021

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூன் 27,2021

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்