கொரோனா காப்பீடு செய்தோருக்கு  ரூ.8,000 கோடி தந்த நிறுவனங்கள் கொரோனா காப்பீடு செய்தோருக்கு ரூ.8,000 கோடி தந்த நிறுவனங்கள் ...  20,000 பேருக்கு வேலை: ‘பேடிஎம்’ நிறுவனம் திட்டம் 20,000 பேருக்கு வேலை: ‘பேடிஎம்’ நிறுவனம் திட்டம் ...
கொரோனா காப்பீடு செய்தோருக்கு ரூ.8,000 கோடி தந்த நிறுவனங்கள்
எழுத்தின் அளவு:

பதிவு செய்த நாள்

28 ஜூலை
2021
21:17

புதுடில்லி:நடப்பு, 2021 – 22ம் நிதியாண்டின் ஏப்., – ஜூன் வரையிலான காலாண்டில், மருத்துவ காப்பீடு செய்தோருக்கு, சிகிச்சை செலவாக, 16 ஆயிரம் கோடி ரூபாய்க்கும் அதிகமான தொகையை, காப்பீட்டு நிறுவனங்கள் வழங்கியுள்ளன.

இதில், கொரோனா மருத்துவ சிகிச்சைக்காக, 8 ஆயிரம் கோடி ரூபாய்க்கும் அதிகமான தொகை, காப்பீடுதாரர்களுக்கு வழங்கப்பட்டுள்ளது. இது குறித்து எச்.டி.எப்.சி., எர்கோ ஜெனரல் இன்சூரன்ஸ் நிறுவனத்தின் நிர்வாக இயக்குனர் ரிதேஷ் குமார் கூறியதாவது: கொரோனா இரண்டாவது அலையால், மருத்துவ காப்பீடுதாரர்களின் கோரிக்கை அதிகரித்துள்ளது. நடப்பு நிதியாண்டின் முதல் காலாண்டில், 10 லட்சத்திற்கும் அதிகமான கோரிக்கைகள் வந்துள்ளன.

இது, கடந்த முழு நிதியாண்டில் வந்த அளவிற்கு நெருக்கமாக உள்ளது. மருத்துவ காப்பீட்டு நிறுவனங்கள், முதல் காலாண்டில், 16 ஆயிரம் கோடி ரூபாய்க்கும் அதிகமான தொகையை, காப்பீட்டுதாரர்களுக்கு வழங்கியுள்ளன.இதில், 8 ஆயிரம் கோடி ரூபாய்க்கும் மேலாக, கொரோனா பாதிப்பிற்கு சிகிச்சை பெற்றதற்காக வழங்கப்பட்டுள்ளது. இன்னும், 25 சதவீத காப்பீட்டு கோரிக்கைகள் வரும் என, எதிர்பார்க்கப்படுகிறது. இவ்வாறு அவர் தெரிவித்தார்.

‘பாலிசி பஜார்’ மருத்துவ காப்பீட்டு பிரிவு தலைவர் அமித் சாப்ரா கூறியதாவது: கடந்த நிதியாண்டின் முதல் காலாண்டில், மருத்துவ செலவின கோரிக்கைகளில், கொரோனா பிரிவு, மூன்றில் ஒரு பங்கு என்ற அளவிற்கு தான் இருந்தது. இது, மூன்றாவது காலாண்டில், 31 சதவீதமாகவும், நான்காவது காலாண்டில், 14 சதவீதமாகவும் சரிவடைந்தது.

இந்நிலையில் தான், கொரோனா இரண்டாவது அலை வேகமாக பரவியது. இதனால், இந்தாண்டு ஏப்., – ஜூன் காலாண்டில், கொரோனா பிரிவு காப்பீட்டு கோரிக்கை, 50 சதவீதத்திற்கும் அதிகமாக உயர்ந்துள்ளது. ஊரடங்கால் விபத்துகள் குறைந்ததும், ஏராளமானோர் பிற நோய்களுக்கான சிகிச்சையை தள்ளிப் போட்ட காரணத்தால், மருத்துவ காப்பீட்டு கோரிக்கைகளில் பிற பிரிவுகளை விட கொரோனாவுக்கான ஒதுக்கீடு அதிகரித்துள்ளது.இவ்வாறு அவர் கூறினார்.

வேகமான வளர்ச்சி

கடந்த, 2019 – 20ம் நிதியாண்டில், மருத்துவ காப்பீட்டு துறையின் பிரிமியம் வருவாய், 51 ஆயிரத்து, 674 கோடி ரூபாயாக இருந்தது. இது, 2020 – 21ம் நிதியாண்டில், 58 ஆயிரத்து, 572 கோடி ரூபாயாக அதிகரித்துள்ளது.

Advertisement

மேலும் பொது செய்திகள்

business news
புதுடில்லி:உலக வங்கியின், ‘எளிதாக தொழில் செய்யும் நாடுகள்’ பட்டியல் தயாரிப்பில், முறைகேடுகள் நடந்திருப்பது ... மேலும்
business news
புதுடில்லி:அடுத்த சில ஆண்டுகளில், கிட்டத்தட்ட 50 கோடி பேர் திறன் மிகுந்தவர்களாக இருக்க வேண்டும் என்றும், அதற்கு ... மேலும்
business news
புதுடில்லி:கொரோனா பாதிப்புகளிலிருந்து மீள்வதற்கான கடன் திட்டங்களை அரசு கொண்டுவந்த போதிலும், 83 ... மேலும்
business news
புதுடில்லி:கடந்த ஜூன் மாதத்துடன் முடிவடைந்த காலாண்டில், நாட்டின் ஸ்மார்ட் டிவி சந்தை, 65 சதவீத வளர்ச்சியை ... மேலும்
business news
‘ஓலா’வின் ஓஹோ விற்பனை ‘ஓலா எலக்ட்ரிக்’ நிறுவனம், இரண்டு நாட்களில் 1,100 கோடி ரூபாய் மதிப்பிலான மின்சார ... மேலும்
  தினமலர் முதல் பக்கம்
வர்த்தகம் முதல் பக்கம் »
Advertisement
Advertisement
Advertisement
dinamalar-advertisement-tariff-2018
  • தங்கம்
  • வெள்ளி
  • கரன்சி
  • மளிகை மார்க்கெட்
 
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g to toggle between English and Tamil)