பதிவு செய்த நாள்
07 ஆக2021
20:32
புதுடில்லி:நாளை, இரண்டு முக்கிய நிறுவனங்கள் புதிய பங்கு வெளியீட்டுக்கு வருகின்றன.
கார் டிரேடு டெக்: ‘ஆன்லைன்’ வாயிலாக வாடிக்கையாளர்கள், பழைய மற்றும் புதிய வாகனங்களை வாங்குவதற்கு உதவும் நிறுவனமான, ‘கார் டிரேடு டெக்’ நாளை பங்கு வெளியீட்டுக்கு வருகிறது. இதன் தொடர்ச்சியாக, இந்நிறுவன பங்குகள் விலை 1,585 – 1,618 ரூபாயாக நிர்ணயிக்கப்பட்டுள்ளதாக அறிவிக்கப்பட்டுள்ளது. இந்த பங்கு வெளியீடு நாளை துவங்கி 11ம் தேதியுடன் முடிவடைகிறது.
இந்த பங்கு வெளியீட்டின் வாயிலாக, இந்நிறுவனம் கிட்டத்தட்ட 3 ஆயிரம் கோடி ரூபாய் நிதியை திரட்ட திட்டமிட்டுள்ளது.கடந்த 2009ம் ஆண்டு துவங்கப்பட்ட இந்நிறுவனம், ‘கார்வாலே, கார் டிரேடு, ஸ்ரீராம் ஆட்டோ மால், பைக் வாலே, கார் டிரேடு எக்ஸ்சேஞ்ச், ஆட்டோ பிஸ்’ என பல பிராண்டு பெயர்களில் வர்த்தகத்தை மேற்கொண்டு வருகிறது.
நுவகோ விஸ்டாஸ்: இந்நிறுவனத்தின் புதிய பங்கு வெளியீடு நாளை துவங்கி 11ம் தேதியுடன் முடிவடைகிறது. இந்நிறுவன பங்கின் விலை 560- – 570 ரூபாயாக நிர்ணயிக்கப் பட்டு அறிவிக்கப்பட்டுள்ளது.சிமென்ட் தயாரிப்பில் ஈடுபட்டுள்ள இந்நிறுவனம், ‘நிர்மா’ குழுமத்தை சேர்ந்ததாகும்.
பங்கு வெளியீட்டின்போது 1,500 கோடி ரூபாய்க்கு புதிய பங்குகளையும்; 3,500 கோடி ரூபாய்க்கு புரமோட்டரான, ‘நியோகி என்டர்பிரைசஸ்’ நிறுவனத்தின் வசம் இருக்கும் பங்குகளையும் விற்பனை செய்ய உள்ளது. முதலீட்டாளர்கள் குறைந்தபட்சம் 26 பங்குகளையோ அல்லது அதன் மடங்குகளிலோ வாங்கிக் கொள்ளலாம்.
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|