புதுடில்லி:‘ஏர் இந்தியா’வை பயணியரின் விருப்பமான நிறுவனமாக உருவாக்குவதில், டாடா குழுமம் உற்சாகமாக உள்ளது என, ரத்தன் டாடா தெரிவித்துள்ளார்.
ஏர் இந்தியா நிறுவனம், டாடா குழுமத்தின் கைகளுக்கு சென்று சேர்ந்துவிட்ட நிலையில், குழுமத்தின் கவுரவ தலைவர் ரத்தன் டாடா, 19 நொடிகள் ஓடக்கூடிய ஒரு வீடியோ அறிவிப்பை டுவிட்டரில் வெளியிட்டுள்ளார்.அதில், ‘பயணியரின் வசதி மற்றும் சேவையின் அடிப்படையில், ஏர் இந்தியாவை விருப்பமான விமான நிறுவனமாக மாற்ற, அதனுடன் டாடா குழுமம் இணைந்து பணியாற்றுவதில் உற்சாகமாக உள்ளது’ என தெரிவித்துள்ளார்.
இந்த அறிவிப்பு, சில ஏர் இந்தியா விமானங்களிலும் ஒளிபரப்பப்பட்டது என, விமான அதிகாரிகள் தரப்பில் தெரிவிக்கப்பட்டது.நஷ்டத்தில் இயங்கி வந்த ஏர் இந்தியா நிறுவனத்தை, ஏலத்தில் வாங்குவதற்கான போட்டியில், இறுதியில், டாடா குழுமம் வெற்றி பெற்றது.
இதையடுத்து, கடந்த ஜனவரி 27ம் தேதியன்று, ஏர் இந்தியா நிறுவனம், டாடா குழுமத்தை சேர்ந்த ‘டாலஸ்’ நிறுவனத்தின் வசம் முழுமையாக ஒப்படைக்கப்பட்டது.டாலஸ் நிறுவனம், 18 ஆயிரம் கோடி ரூபாய்க்கு ஏர் இந்தியாவை ஏலத்தில் எடுத்தது. 2,700 கோடி ரூபாயை ரொக்கமாக வழங்கி, மீதம் 15,300 கோடி ரூபாய் கடனை தன் வசமாக எடுத்துக் கொண்டது டாலஸ் நிறுவனம்.இதையடுத்து ரத்தன் டாடா இந்த அறிவிப்பை வெளியிட்டுள்ளார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 02,2022

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 02,2022

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 02,2022

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 02,2022

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 02,2022

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்