பதிவு செய்த நாள்
05 பிப்2022
21:57
புதுடில்லி:இந்தியாவின் மிகப் பெரிய பணக்காரர்கள் பட்டியலில், முகேஷ் அம்பானியை பின்னுக்கு தள்ளி உள்ளார் கவுதம் அதானி.
‘போர்ப்ஸ்’ இதழில் தினசரி வெளியாகும் ‘ரியல் டைம் பில்லியனர்ஸ்’ பட்டியலில், முகேஷ் அம்பானியை பின்னுக்கு தள்ளி, முதலிடத்தை பிடித்துள்ளார் கவுதம் அதானி.இதன் தொடர்ச்சியாக, உலகளவிலான பட்டியலில், கடந்த வெள்ளிக்கிழமை அன்று, 10வது இடத்துக்கு முன்னேறி உள்ளார் கவுதம் அதானி.
இவரது நிகர சொத்து மதிப்பு 4,778 கோடி ரூபாய் அதிகரித்து, 6.8 லட்சம் கோடி ரூபாயாக உயர்ந்துள்ளது.மாறாக, முகேஷ் அம்பானியின் நிகர மதிப்பு 5,995 கோடி ரூபாய் அளவுக்கு சரிந்து, 6.7 லட்சம் கோடி ரூபாயாக குறைந்துபோனது. இதையடுத்து, இவர் முதல் 10 இடங்களிலிருந்து வெளியேறி, 11வது இடத்துக்கு சென்றுவிட்டார்.
இருப்பினும், ‘புளூம்பெர்க் பில்லியனர்ஸ்’ பட்டியலில், சிறிய அளவிலான வித்தியாசத்துடன், கவுதம் அதானியை விட, முகேஷ் அம்பானி முன்னிலை வகிக்கிறார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|