சர்ச்சை நாயகன் எலான்
எலான் மஸ்க், டுவிட்டரின் பங்குகளை வாங்கி, அதன் பங்குதாரர் ஆகியிருக்கும் நிலையில், டுவிட்டர் ஊழியர்களில் சிலர், கவலையில் ஆழந்துள்ளனர். அதிகம் பங்குகளை வாங்கி, இயக்குனராகவும் ஆகிவிட்ட எலான், நிறுவனத்தை அதன் மிதமான போக்கிலிருந்து விலகி, சர்ச்சைக்குரிய ஒன்றாக்கி விடுவாரோ என்ற அச்சம் ஊழியர்களில் சிலருக்கு எழுந்துள்ளது.
சாதனை உற்பத்தியில் என்.எல்.சி.,
‘என்.எல்.சி., இந்தியா’ நிறுவனம், கடந்த நிதியாண்டில், அதன் மின்சார உற்பத்தி 19 சதவீதம் அதிகரித்து, 2,920 கோடி யூனிட்டுகளாக உயர்ந்துள்ளதாக தெரிவித்துள்ளது. நிறுவனம் துவங்கியதிலிருந்து இதுவரை, எந்த ஒரு நிதியாண்டிலும், இந்த அளவுக்கு அதிக உற்பத்தியை எட்டியதில்லை என,நிறுவனம் தெரிவித்துள்ளது.
கோக கோலா புதிய ஆலை
‘ஹிந்துஸ்தான் கோக கோலா பிவரேஜஸ்’ நிறுவனம், தெலுங்கானாவில், அதன் இரண்டாவது ஆலையை அமைக்க உள்ளது.இதற்காக, முதற்கட்டமாக 600 கோடி ரூபாயை முதலீடு செய்ய உள்ளதாகவும் இந்நிறுவனம் அறிவித்துள்ளது.
டாடா நிறுவனத்துக்கு ‘ஆர்டர்’
‘டாடா மோட்டார்ஸ்’ நிறுவனம், 1,300 வர்த்தக வாகனங்களுக்கான ஆர்டரை பெற்றுள்ளதாக தெரிவித்துள்ளது. ‘வி.ஆர்.எல்., லாஜிஸ்டிக்ஸ்’ நிறுவனத்திடமிருந்து, 1,300 நடுத்தர மற்றும் கனரக வர்த்தக வாகனங்களுக்கான ஆர்டரை பெற்றிருப்பதாக, டாடா மோட்டார்ஸ் தெரிவித்துள்ளது.
புதிய ‘இ – ஸ்கூட்டர்’
‘பவுன்ஸ் இன்பினிட்டி’ நிறுவனம், அதன் முதல் மின்சார ஸ்கூட்டரை தயாரித்துள்ளதாக அறிவித்துள்ளது. ‘இ1’ எனும் பெயரிலான இந்த மின்சார ஸ்கூட்டர்களை, ராஜஸ்தானில் உள்ள ஆலையில் தயாரித்துள்ளது. ஏப்ரல் 18 முதல் வினியோகம் துவங்கும் என்றும் தெரிவித்துள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஏப்ரல் 07,2022

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஏப்ரல் 07,2022

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஏப்ரல் 07,2022

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஏப்ரல் 07,2022

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஏப்ரல் 07,2022

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்