பதிவு செய்த நாள்
22 ஏப்2022
01:28
புதுடில்லி--–எல்.ஐ.சி., நிறுவனத்தின் புதிய பங்கு வெளியீடு எப்போது என்பது குறித்த முடிவை, இந்த வாரத்துக்குள் மத்திய அரசு எடுக்கக்கூடும் என்ற எதிர்பார்ப்பு அதிகரித்துள்ளது.
இது குறித்து உயரதிகாரி ஒருவர் கூறியதாவது:எல்.ஐ.சி., எப்போது புதிய பங்கு வெளியீட்டுக்கு வருவது என்பது குறித்த முடிவை, இந்த வாரத்துக்குள் அரசு அறிவித்து விடும் என எதிர்பார்க்கலாம்.கடந்த மார்ச் மாதத்தில் பங்கு வெளியீட்டுக்கு வந்து விடலாம் என்று தான் முதலில் திட்டமிடப்பட்டது.ஆனால், புவிசார் அரசியல் பிரச்னைகள் காரணமாக, மார்ச்சில் வருவது தள்ளிப் போடப்பட்டது.
தற்போதைய நிலவரப்படி, மே 12ம் தேதி வரை, ஏற்கனவே ‘செபி’யிடமிருந்து பெற்றிருக்கும் அனுமதியை வைத்தே, பங்கு வெளியீட்டுக்கு வந்துவிடலாம். அதன் பிறகு வருவது என்றால், புதிதாக விண்ணப்பிக்க வேண்டியதிருக்கும்.இது ஒருபுறமிருக்க, எப்போது பங்கு வெளியீட்டுக்கு வருவது என்பது குறித்து முடிவு எடுப்பது என்பது அரசுக்கு சவாலாகவே உள்ளது.
சில்லரை மற்றும் உள்நாட்டு முதலீட்டாளர்களின் நிலையை வைத்து, இப்போது வந்து விடலாம் என முடிவு எடுப்பதா அல்லது புவிசார் அரசியல் பிரச்னை, அன்னிய முதலீட்டாளர்கள் முதலீடு செய்யாமல் இருப்பது ஆகியவற்றை கருத்தில் கொண்டு, பங்கு வெளியீட்டை இன்னும் தள்ளிப்போடுவதா என்ற குழப்பம் உள்ளது.
எனினும், இந்த வாரத்தில் அரசு ஒரு முடிவுக்கு வந்துவிடும் என எதிர்பார்க்கலாம். ஒருவேளை மே மாதத்துக்குள் வரப்போவதில்லை என முடிவு செய்துவிட்டால், பங்கு வெளியீடு ஆகஸ்ட், செப்டம்பர் மாதத்துக்கு தள்ளிப் போய்விடும். காரணம், செபிக்கு புதிதாக விண்ணப்பித்து, அனுமதி வாங்க வேண்டியதிருக்கும்.எது எப்படியாக இருப்பினும், இப்போதைய நிலவரப்படி பார்க்கும்போது, அரசு முதற்கட்டமாக, 5 சதவீதத்துக்கு மேல் பங்குகளை விற்க முன்வராது என்றே தெரிகிறது.
இப்போதைய உலகளாவிய சூழலில், பங்கு வெளியீட்டை பெரிய அளவில் நடத்த முடியாது. எனவே, அனேகமாக 5 சதவீதம் அல்லது 31.6 கோடி பங்குகளை மட்டுமே விற்பனை செய்யும் முடிவை அரசு எடுக்கும் என எதிர்பார்க்கலாம்.இவ்வாறு அவர் கூறினார்.
ஒருவேளை மே மாதத்துக்குள் வரப் போவதில்லை என முடிவு செய்துவிட்டால், பங்கு வெளியீடு ஆகஸ்ட், செப்டம்பர் மாதத்துக்கு தள்ளிப் போய்விடும். காரணம், செபிக்கு புதிதாக விண்ணப்பித்து, அனுமதி வாங்க வேண்டியதிருக்கும்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|