பதிவு செய்த நாள்
11 மார்2011
00:12
புதுடில்லி: நாட்டின் உணவுப் பொருள்களுக்கான பணவீக்கம், பிப்ரவரி 26ம் தேதியுடன் நிறைவடைந்த வாரத்தில், 9.52 சதவீதமாக ஒற்றை இலக்கத்திற்கு குறைந்துள்ளது. இது, இதற்கு முந்தைய வாரத்தில், 10.39 சதவீதமாக இருந்தது. இவ்விருவாரங்களுக்கிடையில், உணவுப் பொருள்களுக்கான பணவீக்கம் 0.87 சதவீதம் குறைந்துள்ளது. சென்ற ஆண்டு, டிசம்பர் 4ம் தேதியுடன் நிறைவடைந்த வாரத்தில் உணவுப் பொருள் பணவீக்கம் 9.46 சதவீதம் என்ற அளவில் ஒற்றை இலக்கத்தில் இருந்தது என்பது குறிப்பிடத்தக்கது.கணக்கீடு செய்வதற்கு எடுத்துக் கொள்ளப்பட்ட வாரத்தில், வெங்காயம், உருளைக்கிழங்கு, குறிப்பிட்ட சில பருப்பு வகைகள் போன்றவற்றின் விலை குறைந்திருந்தது.ஆண்டுக்கணக்கில், கோதுமை விலை 1.07 சதவீதம் குறைந்திருந்தது. பருப்பு வகைககள் (3.91 சதவீதம்), உருளைக்கிழங்கு (9 சதவீதம்), வெங்காயம் (3.90 சதவீதம்) ஆகியவற்றின் விலையும் குறைந்திருந்தது.அதேசமயம், பழங்கள் ( 18.75 சதவீதம்), முட்டை, இறைச்சி, மீன்கள் (தலா 15.38 சதவீதம்), காய்கறிகள் (9.23 சதவீதம்), பால் (8.42 சதவீதம்) ஆகியவற்றின் விலை உயர்ந்திருந்தது.மொத்த விலை குறியீட்டு எண் அடிப்படையில் கணக்கிடப்படும். நாட்டின் ஒட்டுமொத்த பணவீக்க விகிதம், சென்ற ஜனவரி மாதத்தில், 8.23 சதவீதமாக இருந்தது. சென்ற பிப்ரவரி மாதத்தில், ஒட்டுமொத்த அளவில், குறிப்பிட்ட சில உணவுப் பொருள்களின் விலை குறைந்துள்ளதையடுத்து, பிப்ரவரி மாதத்தில் நாட்டின் ஒட்டுமொத்த பணவீக்கம் குறையும் என எதிர்பார்க்கப்படுகிறது. இவ்வாறு ரெட்டி கூறினார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|