பதிவு செய்த நாள்
03 ஏப்2011
06:28
புதுடில்லி:உலகளவில், தொழில் உற்பத்தியில், இந்தியா 9வது இடத்தில் இடம்பெற்றுள்ளது என, ஐ.நா. தொழில் மேம்பாட்டு அமைப்பின் ஆய்வறிக்கையில் தெரிவிக்கப்பட்டுள்ளது.உலகளவில் தொழில் வளர்ச்சியில் தன்னிறைவு கண்ட நாடுகள் மற்றும் முன்னேறி வரும் நாடுகள் குறித்து, ஐ.நா., தொழில் மேம்பாட்டு அமைப்பு (யூனிடோ) ஆய்வு மேற்கொண்டது. இந்த ஆ ய்வறிக்கையை யூனிடோ தலைமை புள்ளியியலாளர் ஷியாம் உபாத்தியாயா, டில்லியில் வெளியிட்டு பேசினார். அப்போது,தொழில் உற்பத்தியில் முன்னணியில் உள்ள 10 நாடுகளில், இந்தியா 9வது இடத்தை பிடித்திருப்பதாக அவர் தெரிவித்தார். உலகில் பெரும்பான்மையான முன்னேறிய நாடுகளின் தொழில் உற்பத்தி, கடந்த 10 ஆண்டுகளில் கணிசமாக குறைந்துள்ளதும், சர்வதேச ச ந்தையில் இந்திய உற்பத்தி பொருள்களுக்கான தேவைப்பாடு அதிகரித்திருப்பதும், இந்தியா 9 வது இடத்திற்கு முன்னேற காரணமாகும் என, ஷியாம் உபாத்யாயா தெரிவித்தார்.கடந்த 2000 - 2010ம் ஆண்டுகளில், உலகளவிலான தொழில் உற்பத்தியில் இந்தியாவின் பங்களிப்பு 1.8சதவீதம் என்ற அளவில் உள்ளது. இருந்த போதிலும், தொழிலாளர் உற்பத்தி திறன் அதிகரித்துள்ளதால், உற்பத்தி வளர்ச்சி விகிதம் உயர்ந்துள்ளதாக ஆய்வறிக்கையில் தெரிவிக்கப்பட்டுள்ளது. மேலும், தொழில் உற்பத்திக்கான எரிசக்தி பயன்பாட்டிலும், இந்தியா குறிப்பிடத்தக்க அளவிற்கு சிக்கனத்தைக் கடைபிடித்துள்ளதாக, அறிக்கையில் பாராட்டு தெரிவிக்கப்பட்டுள்ளது.கடந்த 10 ஆண்டுகளில், இந்தியாவின் தொழில் உற்பத்தி வளர்ச்சி, ஆண்டுக்கு சராசரியாக 7 சதவீதம் என்ற அளவில் உள்ளது. ஆனால், இதே காலத்தில் தொழில் சார்ந்த எரிசக்தி பயன்பாட்டின் வளர்ச்சி, 3.6 சதவீதம் என்ற அளவில் குறைந்துள்ளது.உலகில் அதிக அளவிலான தொழில் உற்பத்தியில் அமெரிக்கா, முதலிடத்தைப் பிடித்துள்ளது. அடுத்த இடங்களில் சீனா, ஜப்பான்,ஜெர்மனி நாடுகள் உள்ளன. பிரேசில் 10வது இடத்தில் உள்ளது. பல்வேறு நாடுகளின் வேகமான முன்னேற்றம் காரணமாக, இந்த பட்டியலை நிலையானதாக எடுத்துக் கொள்ள முடியாது.வளர்ச்சி பெற்று வரும் ரஷ்யா,மெக்சிகோ, ஸ்பெயின் நாடுகளும் இந்த பட்டியலில் இடம் பிடிக்க வாய்ப்புள்ளதாக கூறப்படுகிறது. உல கின் மொத்த தொழில் உற்பத்தியில் முன்னேறிய நாடுகளின் பங்களிப்பு, 3ல் 2 சதவீதம் என்ற அளவில் உள்ளது. அதேசமயம், கடந்த 10 ஆண்டுகளில் வளரும் நாடுகளின் பங்களிப்பு, 20 சதவீதத்தில் இருந்து 32.1 சதவீதமாக அதிகரித்திருப்பது குறிப்பிடத்தக்கது.இதே காலத்தில், உலகளவிலான தொழில் உற்பத்தியில், வளர்ச்சி அடைந்த அமெரிக்கா, ஜப்பான்,ஜெர்மனி ஆகிய நாடுகளின் பங்களிப்பு சரிந்துள்ளது. அதே சமயம் சீனா, பிரேசில், இந்தியா ஆகிய மூன்று முன்னேறும் நாடுகளின் தொழில் உற்பத்தி வளர்ச்சி, சராசரியாக 10 சதவீதம் அதிகரித்துள்ளது. சர்வதேச அளவில் ஏற்பட்ட பொருளாதார நெருக்கடியால் பாதிக்கப்பட்ட முன்னேறிய நாடுகளின் தொழில் உற்பத்தி, கடந்த 2009ம் ஆண்டிற்குப் பிறகு, 3.7சதவீதம் என்ற அளவில் வளர்ச்சி அடைந்துள்ளதாக, ஆய்வறிக்கையில் தெரிவிக்கப்பட்டுள்ளது.பொருளாதார மந்த நிலையிலும்,சீனாவின் தொழில் வளர்ச்சி பாதிக்கப்படவில்லை என்றும், கடந்த 2010ம் ஆண்டில் முன்னேறும் நாடுகளின் மொத்த உற்பத்தியில் சீனாவின் பங்களிப்பு, 50 சதவீதமாக உள்ளது என்றும் ஆ#வறிக்கையில் கூறப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|