கராச்சி : பாகிஸ்தான் - சீனா நட்புறவை போற்றும் வகையில், ஸ்டேட் பேங்க் ஆப் பாகிஸ்தான் 20 ரூபாய் நாணயத்தை வெளியிட்டுள்ளது. சீனா - பாகிஸ்தான் நாடுகளுக்கி‌டையோன நட்புறவு ஏற்பட்டு 60 ஆண்டுகள் முடிவடைந்துள்ளன. இதனை கொண்டாடும் வகையில், ஸ்டேட் பேங்க் ஆப் பாகிஸ்தான் 20 ரூபாய் சிறப்பு நாணயத்தை வெளியிட்டுள்ளது. 30 மிமீ டயாமீட்டரும், 9.5 கிராம் எடை கொண்டதாக இந்த நாணயம் உருவாக்கப்பட்டுள்ளது. நாணயத்தின் ஒருபக்கத்தில், மெழுகினாலான பிறைவடிவமும், மறுபக்கத்தில், 5 முனைகள் கொண்ட நட்சத்திரமும் உள்ளது. நாணயத்தின் மேற்பக்கத்தில் 2011, ஙுஉஅகீ Oஊ கஅஓ இஏஐNஅ ஊகீஐஉNஈகுஏஐக என்று பொறிக்கப்பட்டுள்ளது. சீனாவின் முன்னணி மற்றும் மிகப்பெரிய கமர்சியல் வங்கியான இண்டஸ்டிரியல் அண்ட் கமர்ஷியல் பேங்க் ஆப் சீனா (ஐசிபிசி), பாகிஸ்தானின் கராச்சி மற்றும் இஸ்லாமாபாத் நகரங்களில் கிளைகள் அமைக்க உள்ளதாக தெரிவித்துள்ளது. இஸ்லாமாபாத்தில், வங்கி கிளை திறப்பு விழாவில் தலைமையுரையாற்றிய பாகிஸ்தான் அதிபர் ஆசிப் அலி சர்தாரி கூறியதாவது, சீனாவின் முன்னணி வங்கி, பாகிஸ்தானில் கிளை அமைக்க முன்வந்திருப்பது இருநாடுகளுக்கிடையேயான உறவை பலப்படுத்த உதவும் என்று கூறினார். வங்கி உயர் அதிகாரி கூறியதாவது, இதன்மூலம், சீனா மற்றும் பாகிஸ்தான் நாடுகளுக்கிடையேயான வர்த்தக உறவு அதிகரிக்கும் என்றும், இந்த முயற்சி, வரலாற்றின் மைல்கல் என்றும் அவர் தெரிவித்தார். சீனா, பாகிஸ்தான் இடையேயான ராணுவ உறவுகள் அதிகரித்து வருவது, இந்தியாவுக்கு மிகவும் கவலை தரும் விஷயமே. இருந்தாலும், இந்த சவாலைச் சந்திக்க, இந்தியா, தன்னுடைய திறனை மேம்படுத்திக் கொள்ள வேண்டியது அவசியம் என்று இந்திய பாதுகாப்புத்துறை அமைச்சர் அந்தோணி கூறியிருக்கும் நிலையில், பாகிஸ்தான் இந்த சிறப்பு நாணயத்தை வெளியிட்டிருப்பது குறிப்பிடத்தக்கது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 21,2011

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 21,2011

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 21,2011

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 21,2011

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 21,2011

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்