பதிவு செய்த நாள்
03 செப்2011
03:06
புதுடில்லி:நாட்டின் கார் தயாரிப்பு மற்றும் விற்பனையில் முன்னணியில் உள்ள மாருதி சுசூகி நிறுவனத்தின் கார் விற்பனை, சென்ற ஆகஸ்ட் மாதத்தில் 12.74 சதவீதம் சரிவடைந்து, 91 ஆயிரத்து 442 கார்களாக உள்ளது. இந்த விற்பனை, கடந்த ஆண்டு இதே மாதத்தில், 1 லட்சத்து 4 ஆயிரத்து 791 ஆக அதிகரித்து காணப்பட்டது. மானேசரில் உள்ள இதன் தொழிற்சாலையில், தொழிலாளர்களின் தொடர் போராட்டத்தினால், கார் தயாரிப்பு முடங் கிப் போனது. இதன் காரணமாக, ஆகஸ்ட் மாத விற்பனை குறைந்துள்ளது என, இந்நிறுவனம் தெரிவித் துள்ளது. ஆகஸ்ட் மாதத்தில், உள்நாட்டில் இதன் கார் விற்பனை, 16.82 சதவீதம் குறைந்து, 77 ஆயிரத்து 86 ஆக சரிவடைந் துள்ளது. இது, கடந்த ஆண்டின் இதே மாதத்தில், 92 ஆயிரத்து 674 ஆக உயர்ந்திருந்தது. அதேசமயம், இந்நிறுவனத்தின் கார் ஏற்றுமதி, 18.48 சதவீதம் அதிகரித்து, 12 ஆயிரத்து 117 என்ற எண்ணிக்கை யிலிருந்து, 14 ஆயிரத்து 356 ஆக உயர்ந்துள்ளது.உள்நாட்டில், நிறுவனத்தின் மொத்த பயணிகள் கார் விற்பனை 19.21 சதவீதம் குறைந்து, 78 ஆயிரத்து 351 என்ற எண்ணிக்கை யிலிருந்து, 63 ஆயிரத்து 296 கார்களாக சரிவடைந்துள்ளது. இந் நிறுவனத்தின் சிறிய வகையைச் சேர்ந்த, எம்800,ஆல்டோ மற்றும் வேகன்ஆர் கார் விற்பனை, 37 ஆயிரத்து 496 ஆக குறைந்துள்ளது. இது, கடந்த ஆண்டின் இதே மாத விற்பனையுடன் ஒப்பிடுகையில், 18.34 சதவீதம் (45 ஆயிரத்து 917 கார்) குறைவாகும். இதுதவிர, எஸ்டிலோ, ஸ்விப்ட், மற்றும் ரிட்ஸ் உள்ளிட்ட காம்பாக்ட் வகை கார்கள் விற்பனையும், 26.93 சதவீதம் குறைந்து, 21 ஆயிரத்து 955 என்ற எண்ணிக்கையிலிருந்து, 16 ஆயிரத்து 43 ஆக சரிவடைந்துள்ளது. அதேபோல், டிசையர் வகை கார்களின் விற்பனையும், 6.82 சதவீதம் சரிவை சந்தித்து, 8,431 லிருந்து, 7,856 ஆக குறைந்துள்ளது. இந்நிறுவனத்தின் நடுத்தர வகையைச் சேர்ந்த செடன் எஸ்எக்ஸ்4 கார் விற்பனையும், 7.57 சதவீதம் குறைந்து, 2,048 லிருந்து, 1,893 ஆக சரிவடைந்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|