பதிவு செய்த நாள்
11 டிச2011
15:08
புதுடில்லி : எல்.ஜி., மற்றும் சாம்சங் நிறுவனங்களுக்கு எதிராக தனது வலிமையை அதிகப்படுத்தவும், உள்நாட்டில் வாடிக்கையாளர்களின் எண்ணிக்கையை அதிகரிக்கவும் ரூ.100 கோடியை வீடியோகான் நிறுவனம் முதலீடு செய்ய உள்ளது. அடுத்த ஆண்டின் ஆராய்ச்சி மற்றும் வளர்ச்சிக்காக இந்த முதலீட்டை செய்ய உள்ளதாக வீடியோகான் தெரிவித்துள்ளது. ஒவ்வொரு ஆண்டும் ஆய்வு மற்றும் வளர்ச்சிக்காக ரூ. 50 முதல் 60 கோடி ரூபாயை மட்டுமே முதலீடு செய்து வருவதாகவும், அடுத்த ஆண்டு பெரும்பாலான தயாரிப்புக்களின் தரத்தை உயர்த்துவதற்காக கூடுதலாக 10 சதவீதம் தொகையை முதலீடு செய்ய உள்ளதாகவும் வீடியோகான் நிறுவன இயக்குனர் அனிருத் தத் தெரிவித்துள்ளார். புதிய வகை வாஷிங் மிஷின், எல்.இ.டி., டிவி உள்ளிட்டவைகளுடன் அதிகளவிலான ஸ்மார்ட் டிவி வகைகளையும் இந்நிறுவனம் அறிமுகம் செய்ய உள்ளது. வீடியோகான் நிறுவனம் குஜராத், உத்திரகாண்ட், மகாராஷ்டிரா, கர்நாடகா, ஆந்திரா, மேற்குவங்கம் உள்ளிட்ட மாநிலங்களில் உற்பத்தி ஆலைகளை கொண்டுள்ளது. அதேசமயம் உள்நாட்டு உற்பத்தியை அதிகரிக்க வீடியோகான் திட்டமிட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|