புதுடில்லி:நடப்பு நிதியாண்டில், தங்கம் மற்றும் வைரம் ஆகியவற்றின் விலை அதிகரித்ததைத் தொடர்ந்து, நாட்டின், நவரத்தினங்கள் மற்றும் ஆபரணங்கள் ஏற்றுமதி, 15 சதவீதம் வளர்ச்சி காணும் என, நவரத்தினங்கள் மற்றும் ஆபரணங்கள் ஏற்றுமதி கவுன்சில் தலைவர் ராஜீவ் ஜெயின் தெரிவித்துள்ளார்.
இதுகுறித்து ராஜீவ் கூறியதாவது:நடப்பு நிதியாண்டின் முதல் எட்டு மாத காலத்தில், நவரத்தினங்கள் மற்றும் ஆபரணங்கள் ஏற்றுமதி சிறப்பான அளவில் அதிகரித்துள்ளது. வரும் மாதங்களிலும், இவற்றின் ஏற்றுமதி அதிகரிக்கும் என எதிர்பார்க்கப்படுகிறது. இந்தியா, தங்கம் மற்றும் கச்சா வைரங்களை வெளிநாடுகளிலிருந்து இறக்குமதி செய்து, அவற்றை மதிப்புக் கூட்டப்பட்ட ஆபரணங்களுக்காக ஏற்றுமதி செய்கிறது.
நடப்பு நிதியாண்டின் ஏப்ரல் முதல் நவம்பர் வரையிலான எட்டு மாத காலத்தில், இவற்றின் ஏற்றுமதி, 15.5 சதவீதம் வளர்ச்சியடைந்து, 2,900 கோடி டாலராக (1 லட்சத்து 45 ஆயிரம் கோடி ரூபாய்) உயர்ந்துள்ளது. இதே காலத்தில், தங்கம், வைரம் மற்றும் நவரத்தினங்கள் விலை, 12-13 சதவீதம் வரை அதிகரித்துள்ளது.
நடப்பு முழு நிதியாண்டில், இவற்றின் ஏற்றுமதி, 15 சதவீதம் வளர்ச்சி கண்டு, 4,950 கோடி டாலராக (2 லட்சத்து 47 ஆயிரத்து 500 கோடி ரூபாய்) உயரும் என மதிப்பிடப்பட்டுள்ளது. இது, கடந்த நிதியாண்டில், 4,300 கோடி டாலராக (2 லட்சத்து 15 ஆயிரம் கோடி ரூபாய்) இருந்தது.மூலப் பொருட்களின் விலை உயர்வு மற்றும் மேற்கத்திய நாடுகளில் தேவைப்பாடு குறைந்துள்ள நிலையிலும், இவற்றின் ஏற்றுமதி மதிப்பின் அடிப்படையில் அதிகரித்துள்ளது என்பது குறிப்பிடத்தக்கது.நாட்டின் மொத்த ஆபரணங்கள் ஏற்றுமதியில், ஐக்கிய அரபு நாடுகள் 43 சதவீத பங்களிப்பை கொண்டு முதலிடத்தில் உள்ளன. இதைத் தொடர்ந்து, ஹாங்காங், 30 சதவீத பங்களிப்பும், அமெரிக்கா 17 சதவீத பங்களிப்பையும் கொண்டுள்ளன. மேலும், லத்தீன் அமெரிக்கா, ரஷ்யா மற்றும் ஆப்பிரிக்கா ஆகிய புதிய சந்தைகளுக்கும் ஏற்றுமதி செய்யப்படுகின்றன. இவ்வாறு ஜெயின் கூறினார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு டிசம்பர் 17,2011

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் டிசம்பர் 17,2011

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது டிசம்பர் 17,2011

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி டிசம்பர் 17,2011

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு டிசம்பர் 17,2011

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்