பதிவு செய்த நாள்
09 மார்2012
00:04
வாஷிங்டன்: இந்திய பணக்காரத் தொழிலதிபர்களின் பட்டியலில், ரிலையன்ஸ் இண்டஸ்ட்ரீஸ் குழுமத்தின் தலைவர் முகேஷ் அம்பானி முதலிடத்தைப் பிடித்துள்ளார். இவரது சொத்து மதிப்பு 2,230 கோடி டாலர் (1 லட்சத்து 11 ஆயிரத்து 500 கோடி ரூபாய்) ஆக உள்ளது.அமெரிக்காவின் போர்ப்ஸ் பத்திரிகை, உலகப் பெரும் கோடீஸ்வர தொழிலதிபர்களின் பட்டியலை வெளியிட்டுள்ளது. இதில் 48 இந்தியர்கள் இடம் பெற்றுள்ளனர். இந்த பட்டியலில், உலக அளவில், முகேஷ் அம்பானி 19வது இடத்தைப் பிடித்துள்ளார். சென்ற ஆண்டு, இவரது நிகர சொத்து மதிப்பு 470 கோடி டாலர் குறைந்துள்ள நிலையிலும், இந்திய பணக்காரர்கள் வரிசையில் இவர் முதலிடத்தைப் பிடித்துள்ளது குறிப்பிடத்தக்கது.இந்தியாவின் முதல் 10 பணக்காரர்கள் பட்டியலில், முகேஷ் அம்பானியை அடுத்து, சாவித்ரி ஜிண்டால் இடம் பெற்றுள்ளார். ஆனால் உலக கோடீஸ்வரர்கள் வரிசையில் இவர், 80வது இடத்தை பிடித்துள்ளார். இதே போல், சுனில் மிட்டல் (113), குமாரமங்கலம் பிர்லா (116), அனில் அம்பானி (118), திலிப் சங்வி (124), சசி மற்றும் ரவி ரூயா (133), குஷால் பால் சிங் (153) ஆகியோர் உலக கோடீஸ்வரர்கள் பட்டியலில் இடம் பெற்றுள்ளனர்.உலகிலேயே பெரும் கோடீஸ்வரராக, மெக்சிகோ தொழிலதிபர் கார்லோஸ் ஸ்லிம், தொடர்ந்து மூன்றாவது ஆண்டாக முதலிடத்தைத் தக்கவைத்துக் கொண்டுள்ளார். இவரது சொத்து மதிப்பு 6,900 கோடி டாலர் (3லட்சத்து 45 ஆயிரம் கோடி ரூபாய்) ஆக உள்ளது. இரண்டாவது இடத்தில், பில்கேட்சும், மூன்றாம் இடத்தில் வாரன் பபெட்டும் இடம் பெற்றுள்ளனர்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|