சிவகங்கை:சிவகங்கையில் அடிக்கல் நாட்டி, 4 ஆண்டுகளாகியும் 100 கோடி ரூபாய் செலவிலான "நறுமணப் பொருட்கள் பூங்கா' திட்டம் செயல்படாமல் முடங்கியுள்ளது.மாவட்டத்தில் நெல், கரும்பு மற்றும் தானிய பயிர்களை அதிக அளவில் விவசாயிகள் நடவு செய்கின்றனர். இத்துடன் மஞ்சள், கிராம்பு, ஏலம், மிளகாய் போன்ற பணப்பயிர்களை உற்பத்தி செய்து, அதிக வருவாய் ஈட்ட வேண்டும் என்பதற்காக, சிவகங் கையில் "நறுமணப் பொருட்கள் பூங்கா' என்ற சந்தை அமைக்கத் திட்டமிடப்பட்டது.
இதற்காக,கொட்டகுடி ஊராட்சி, மானாகுடி ரோட்டில் 75 ஏக்கர் நிலம் கையகப்படுத்தப்பட்டது. 2008ம் ஆண்டு ஆகஸ்ட் மாதம், மத்திய அமைச்சர் சிதம்பரம் இப்பூங்காவிற்கு அடிக்கல் நாட்டினார். 20 கோடி ரூபாயில் குடோன், ஏற்றுமதியாளர் அறை, "ஸ்பைசஸ்' வாரிய அலுவலகம், நறுமணப் பொருட்கள் தயாரிப்பு நிலைய கட்டடம் கட்டும் பணி நடந்து வருகிறது.
இதற்கு பின், 100 கோடிரூபாயில் மஞ்சள், மிளகாய், ஏலம், மிளகை சந்தைப் படுத்துதல், "ஸ்பைசஸ் வாரியம்' மூலம் நறுமணப் பொருட்களை பொடியாக்கி, பாக்கெட்களாக தயாரித்து ஏற்றுமதி செய்ய, வாரியம் திட்டமிட்டுள்ளது. ஆனால், 20 கோடி ரூபாயில் நடக்கும் கட்டுமான பணிகளே, கடந்த நான்கு ஆண்டுகளாக இழுபறியாக நடந்து வருகிறது. இதனால், பூங்கா திறக்கும் திட்டம் சிவகங்கையில் முடங்கிக் கிடக்கிறது.இது குறித்து "ஸ்பைசஸ்' வாரிய உதவி இயக்குனர் (வர்த்தகம்) நிதின்ஜோ கூறியதாவது:
கட்டுமான பணிகள் முடியும் தறுவாயில் உள்ளன. விரைவில் இப்பூங்காவிற்கு மின்இணைப்பு பெறப்பட்டு, ஜூனில் செயல்பாட்டிற்கு வரும். நறுமணப் பொருட்களை சந்தைப்படுத்த, 40 ஏக்கர் நிலம் ஒதுக்கியுள்ளோம். ஒவ்வொரு வியாபாரிக்கும் ஒரு ஏக்கர் நிலம், ஆண்டிற்கு 1,000 ரூபாய்க்கு மட்டுமே வாடகைக்கு விடப்படும். நறுமணப் பொருட்கள் ஏற்றுமதியானால், ஈரோடு போல் சிவகங்கை பூங்காவும் பெரிய நறுமணப் பொருள்கள் சந்தையாக உருவெடுக்கும், என்றார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஏப்ரல் 02,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஏப்ரல் 02,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஏப்ரல் 02,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஏப்ரல் 02,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஏப்ரல் 02,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்