புதுடில்லி : கடந்த ஆண்டோடு ஒப்பிடுகையில் மாருதி சுசூகியின் நிகரலாபம் 28 சதவீதம் சரிவை சந்தித்து இருக்கிறது. இந்தியாவின் மிகப்பெரிய கார் உற்பத்தி செய்யும் நிறுவனமான மாருதி சுசூகி 2011-12ம் ஆண்டுக்கான நிதிநிலை அறிக்கையை வெளியிட்டுள்ளது. அதன்படி அந்த நிறுவனம் பெற்ற நிகர லாபம் ரூ. 1,635 கோடியாகும். கடந்த ஆண்டைக் காட்டிலும் இது 28 சதவீதம் குறைவாகும். கடந்த மூன்று ஆண்டுகளில் இதுவே மிகக் குறைந்த லாபம். அதேபோல் கடந்த நிதி ஆண்டு 11,33,695 கார்களை விற்பனை செய்து இருக்கிறது மாருதி. இது கடந்த 2010-2011 நிதியாண்டின் விற்பனையைக் காட்டிலும் இது 10 சதவீதம் குறைவாகும். அந்த ஆண்டு 12.71 லட்சம் கார்கள் விற்பனையாயின.

நிதிநிலை வெளியிட்ட பின்னர் மாருதி நிறுவனத்தின் மேலாண் இயக்குநரும், தலைமை செயல் அதிகாரியுமான ஷின்சோ நாகானிஷி கூறியதாவது, கடந்த நிதி ஆண்டு ஆட்டோமொபைல் தொழிலுக்கு சவால்கள் மிகுந்த வருடமாக இருந்தது. பண வீக்கம், பெட்ரோல் விலை உயர்வு ஆகியவை கார்களின் விற்பனையைப் பெரிதும் பாதித்தன. அதிலும் சிறு கார் ரகங்களின் விற்பனைதான் அதிகமாக பாதிப்புக்கு உள்ளானது. மேலும் பலரும் டீசல் ரக கார்களை அதிகம் நாட ஆரம்பித்துவிட்டனர். எனவே இந்த வகை கார்களை அதிகம் தர மாருதி முடிவெடுத்து இருக்கிறது என்று கூறியுள்ளார். மேலும் முதலீட்டாளர்களுக்கு 2011-2012 ஆண்டுக்கான டிவிடெண்ட் 150 சதவீதமாக இருக்கும் என்று அவர் தெரிவித்தார்.

மேலும் ஆட்டோமொபைல் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஏப்ரல் 29,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஏப்ரல் 29,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஏப்ரல் 29,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஏப்ரல் 29,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஏப்ரல் 29,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்