நாகார்ஜுனா ஆயில் கார்ப்பரேஷன்:ரூ.12,000 கோடியில் கடலூர் ஆலை விரிவாக்கம்நாகார்ஜுனா ஆயில் கார்ப்பரேஷன்:ரூ.12,000 கோடியில் கடலூர் ஆலை விரிவாக்கம் ... ரூபாய் மதிப்பு குறைவு: தங்கம் விலை மேலும் உயர வாய்ப்பு ரூபாய் மதிப்பு குறைவு: தங்கம் விலை மேலும் உயர வாய்ப்பு ...
வர்த்தகம் » பங்கு வர்த்தகம்
பீ.எஸ்.இ. 'சென்செக்ஸ்' 151 புள்ளிகள் வீழ்ச்சி
எழுத்தின் அளவு:

பதிவு செய்த நாள்

04 மே
2012
01:04

மும்பை:நாட்டின் பங்கு வர்த்தகம் வியாழக்கிழமையன்று மிகவும் மோசமாக இருந்தது. அமெரிக்காவில், சென்ற ஏப்ரல் மாதத்தில், கடந்த ஏழு மாதத்தில் இல்லாத அளவாக, தனியார் துறையில் வேலை வாய்ப்பு சரிவடைந்துள்ளது என்ற செய்தியின் தாக்கத்தால், நேற்று இதர ஆசியப் பங்குச் சந்தைகளிலும் வர்த்தகம் சுணக்கமாக இருந்தது.
இந்நிலையில், சில்லரை முதலீட்டாளர்கள் லாப நோக்கம் கருதி பங்குகளை அதிகளவில் விற்பனை செய்ததாலும், இந்திய பங்குச் சந்தைகளில் வர்த்தகம் சுணக்கம் கண்டது. ஐரோப்பிய மத்திய வங்கி, பழைய வட்டி விகிதமே தொடரும் என்று அறிவித்ததையடுத்தும், கடன்பத்திரங்களுக்கான தொகையை திரும்ப செலுத்த ஸ்பெயின் நாடு உரிய நடவடிக்கை எடுத்து வருவதாலும், ஐரோப்பிய பங்குச் சந்தைகளில் வர்த்தகம் சூடுபிடித்து காணப்பட்டது.
அமெரிக்க டாலருக்கு எதிரான ரூபாயின் வெளிமதிப்பு, 53.42 ஆக சரிவடைந்து போனது. பங்கு வர்த்தகம் நன்கு இல்லாததாலும், இறக்குமதியாளர்கள் அதிகளவில் டாலரை வாங்கியதாலும் ரூபாயின் மதிப்பு சரிவடைந்தது என செலாவணி வர்த்தகத்தில் ஈடுபட்டு வரும் வர்த்தகர் ஒருவர் தெரிவித்தார்.நேற்று நடைபெற்ற பங்கு வியாபாரத்தில், மோட்டார் வாகனம், பொதுத் துறை நிறுவனங்கள், வங்கி, உலோகம் உள்ளிட்ட பல துறைகளைச் சேர்ந்த நிறுவனப் பங்குகள் குறைந்த விலைக்கு கைமாறின.
இருப்பினும், தகவல் தொழில்நுட்பம், மருந்து உள்ளிட்ட ஒரு சில துறைகளைச் சேர்ந்த நிறுவனப் பங்குகளுக்கு ஓரளவிற்கு தேவை காணப்பட்டது.மும்பை பங்குச் சந்தையின் குறியீட்டு எண், வர்த்தகம் முடியும் போது, 150.72 புள்ளிகள் வீழ்ச்சி கண்டு, 17,151.19 புள்ளிகளில் நிலைகொண்டது.
வர்த்தகத்தின் இடையே இப்பங்குச் சந்தையின் குறியீட்டு எண் அதிகபட்சமாக, 17,271.77 புள்ளிகள் வரையிலும், குறைந்தபட்சமாக, 17,120.86 புள்ளிகள் வரையிலும் சென்றது.'சென்செக்ஸ்' கணக்கிட உதவும் 30 நிறுவனங்களுள், 23 நிறுவனப் பங்குகளின் விலை சரிவடைந்தும், 7 நிறுவனப் பங்குகளின் விலை அதிகரித்தும் இருந்தது.
தேசிய பங்குச் சந்தையின் குறியீட்டு எண் 'நிப்டி' 50.75 புள்ளிகள் சரிவடைந்து, 5,188.40 புள்ளிகளில் நிலைபெற்றது. வர்த்தகத்தின் இடையே அதிகபட்சமாக, 5,217.30 புள்ளிகள் வரையிலும், குறைந்தபட்சமாக 5,180.65 புள்ளிகள் வரையிலும் சென்றது.

Advertisement

மேலும் பங்கு வர்த்தகம் செய்திகள்

business news
கார் வாங்கும் எண்ணம்புதிதாக நுழைவு நிலை கார் வாங்குவது அல்லது இருக்கும் காரை மேம்படுத்துவது போன்ற ... மேலும்
business news
வளமான எதிர்காலத்திற்கு திட்டமிட்டு முதலீடு செய்வது அவசியம். சரியான முதலீடு சாதனங்களை தேர்வு செய்வதோடு, ... மேலும்
business news
வட்டி விகித உயர்வு, கட்டுமான பொருட்களின் விலை உயர்வு உள்ளிட்ட அம்சங்களை மீறி, ரியல் வீடுகளுக்கான தேவை ... மேலும்
business news
பொதுவாக, 60 வயது முதல் 80 வரையான மூத்த குடிமக்களுக்கான வருமான வரிச் சலுகைகள் குறித்து விளக்கவும். ... மேலும்
business news
புதுடில்லி:உணவு வினியோகத்தில் ஈடுபட்டுள்ள நிறுவனமான ஸ்விக்கி, உணவக தொழில்நுட்ப நிறுவனமான ‘டைன் அவுட்’ ... மேலும்
  தினமலர் முதல் பக்கம்
வர்த்தகம் முதல் பக்கம் »
Advertisement
Advertisement
Advertisement
dinamalar-advertisement-tariff-2018
  • தங்கம்
  • வெள்ளி
  • கரன்சி
  • மளிகை மார்க்கெட்
 
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g to toggle between English and Tamil)