பதிவு செய்த நாள்
15 ஜூன்2012
10:42
தமிழகம் முழுவதும் பீர் விலை நேற்று முதல் அதிரடியாக உயர்த்தப்பட்டது. ரகத்திற்கு ஏற்ப, 5 ரூபாய் முதல், 10 வரை உயர்ந்துள்ளதால் பீர் பிரியர்கள் கடும் அதிர்ச்சியடைந்துள்ளனர். தமிழகத்தில், 6,804 "டாஸ்மாக்' மதுபானக் கடைகள் உள்ளன. இக்கடைகளுக்கு, தமிழகம் முழுவதும் உள்ள, 41 குடோன்களில் இருந்து சரக்குகள் வினியோகிக்கப்படுகின்றன. இவற்றின் மூலம், கடந்த ஆண்டு, 18 ஆயிரம் கோடி ரூபாய், வருவாய் கிடைத்தது. விஸ்கி, பிராந்தி, ரம் போன்ற மது வகைகளுடன், பீர் வகைகளும் அதிகளவில் விற்பனையாகின்றன.
தினசரி, ஒவ்வொரு குடோன்களில் இருந்தும், குறைந்தபட்சம், 2,000 கேஸ் பீர் சப்ளை ஆகிறது. சராசரியாக, நாளொன்றுக்கு, 3 லட்சம் கேஸ், "டாஸ்மாக்' கடைகளுக்கு செல்கிறது. இதில், ஸ்ட்ராங் வகை பீர்கள், 70 சதவீதமும், லெகர் வகை பீர்கள், 30 சதவீதமும் கடைகளுக்கு வினியோகிக்கப்படுகின்றன. ஒரு கேசில், 12 பாட்டில்கள் இருக்கும். இதன்படி, நாளொன்றுக்கு, 36 லட்சம் பீர் விற்பனையாகிறது.
பீருக்கு தட்டுப்பாடு : தற்போது கோடைகாலம் என்பதால், "ஹாட்' வகைகளான, ரம், பிராந்தி, விஸ்கிகளை விட, வெப்பத்தைத் தணிக்க, குளிர்ந்த பீர்கள் அதிகளவில் விற்பனையாகின்றன. இதனால், "டாஸ்மாக்' கடைகளில் பீருக்கு தட்டுப்பாடு ஏற்பட்டது. இதையடுத்து, "டாஸ்மாக்' நிர்வாகம் புதுப்புது பீர் வகைகளை, வரவழைத்து மதுபான கடைகளுக்கு வினியோகம் செய்து, தட்டுப்பாட்டை சமாளித்து வருகிறது.
விலை உயர்வு விவரம் (அடைப்புக்குள் பழைய விலை)
மார்கோபோலோ, பிளாக் நைட் , கோல்டன் ஈகிள் டீலக்ஸ் பிரிமியம், கோல்டன் ஈகிள் லேகர் : புதிய விலை ரூ.70 (பழைய விலை 65)
கல்யாணி பிளாக் லேபிள் பிரிமியம் லேகர், ரூ.80 (பழைய விலை-75)
கிங் பிஷர் சூப்பர் ஸ்ட்ராங் பிரிமியம் ரூ.80 (பழைய விலை-75)
புல்லட் சூப்பர் ஸ்ட்ராங் ரூ.80 (பழைய விலை-75)
ஜிங்காரோ மெகா ஸ்ட்ராங் பிரிமியர் ரூ.80 (பழைய விலை-75)
ஓரியன் லைட் பிரிமியம் பீர் ரூ.90 (பழைய விலை-85)
ஹேவார்ட்ஸ் 5000 அல்ட்ரா பிரிமியம் ஸ்ட்ராங் ரூ.90 (பழைய விலை-85)
கிங்பிஷர் கோல்டு பிரீமியம் ரூ.80 (பழைய விலை 70)
சாண்ட்பைபர் பிரீமியம் ரூ.80 (பழைய விலை 70)
மெட்ராஸ் டில்ஷனர் டீலக்ஸ் ரூ.80 (பழைய விலை 70)
ஓரியண்ட் 6000 சூப்பர் ஸ்டார்ங் ரூ.80 (பழைய விலை 70)
எஸ்என்ஜே 10000 சூப்பர் ஸ்ட்ராங் 90 (பழைய விலை 80)
ஹைவோல்டேஜ் சூப்பர் ஸ்டாரங் 90 (பழைய விலை 80)
பிரிட்டிஷ் எம்பயர் அல்ட்ரா பிரீமியம் எக்ஸ்குளூசிவ் ரூ. 100 (பழைய விலை 90)
கோல்ட் பிரீமியம் ஸ்ட்ராங் ரூ. 100 (பழைய விலை 90)
மேக்ஸ் 11000 சூப்பர் ஸ்ட்ராங் ரூ.100 (பழைய விலை 90)
மேலும் பொது செய்திகள்
|
Advertisement
|
Advertisement
|
Advertisement
|
|
|
|