மும்பை:பங்கு வர்த்தகம் நன்கு இல்லாததால், பரஸ்பர நிதி திட்டங்களிலிருந்து, சென்ற மே மாதத்தில்,
1 லட்சத்து 50 ஆயிரம் முதலீட்டாளர்கள் வெளியேறி உள்ளனர். இதையடுத்து, அம்மாதத்தில், முதலீட்டாளர்களின் எண்ணிக்கை 4 கோடியே 61 லட்சமாக சரிவடைந்துள்ளது. சென்ற மார்ச் மாதத்தில், இந்த எண்ணிக்கை, 4 கோடியே 64 லட்சமாக அதிகரித்து காணப்பட்டது. இதையடுத்து, ஏப்ரல்,மே ஆகிய இரண்டு மாதங்களில், பரஸ்பர நிதி திட்டங்களிலிருந்து வெளியேறிய முதலீட்டாளர்களின் எண்ணிக்கை 3 லட்சத்து 2 ஆயிரமாக உள்ளது.சென்ற மே மாதத்தில், பங்கு சார்ந்த பரஸ்பர நிதி திட்டங்களில் முதலீடு செய்துள்ள முதலீட்டாளர்கள் எண்ணிக்கை 3 கோடியே 71 லட்சத்து 60 ஆயிரத்து 606 ஆக குறைந்துள்ளது.
இது, முந்தைய ஏப்ரல் மாதத்தை விட, 1.29 சதவீதம் (3 கோடியே 76 லட்சத்து 47 ஆயிரத்து 466) சரிவாகும்.மேலும், வெளிநாடுகளில் முதலீடு செய்யக்கூடிய பரஸ்பர நிதி திட்டங்களிலிருந்து வெளியேறிய முதலீட்டாளர்களின் எண்ணிக்கை, 1.62 சதவீதம் குறைந்து, 2 லட்சத்து 11 ஆயிரத்து 906 என்ற எண்ணிக்கையிலிருந்து, 2 லட்சத்து 8 ஆயிரத்து 476 ஆக சரிவடைந்துள்ளது.
இருப்பினும், "எக்சேஞ்ச் டிரேடட் பண்டு' திட்டங்களில் இணைந்துள்ள முதலீட்டாளர்களின் எண்ணிக்கை 4.79 சதவீதம் உயர்ந்து, 6 லட்சத்து 23 ஆயிரத்து 757 லிருந்து, 6 லட்சத்து 53 ஆயிரத்து 633 ஆக அதிகரித்துள்ளது. கடந்த மார்ச் மற்றும் மே மாதங்களில், ஒட்டு மொத்த பரஸ்பர நிதி திட்டங்களில், முதலீடு செய்துள்ள முதலீட்டாளர்கள் எண்ணிக்கை 0.65 சதவீதம் குறைந்து, 4 கோடியே 64 லட்சத்து 52 ஆயிரத்து 64 லிருந்து, 4 கோடியே 61 லட்சத்து 49 ஆயிரத்து 704 ஆக சரிவடைந்துள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூன் 18,2012

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூன் 18,2012

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூன் 18,2012

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூன் 18,2012

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூன் 18,2012

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்