பதிவு செய்த நாள்
22 டிச2012
00:32
புதுடில்லி:நடப்பாண்டு நவம்பர் மாதத்தில், சர்வதேச உருக்கு உற்பத்தி, 12.16 கோடி டன்னாக அதிகரித்துள்ளது. இது, சென்ற ஆண்டின், இதே மாதத்தில் மேற்கொள்ளப்பட்ட உற்பத்தியை (11.58 கோடி டன்) விட, 5.1 சதவீதம் அதிகமாகும் என, சர்வதேச உருக்கு உற்பத்தியாளர்கள் கூட்டமைப்பு தெரிவித்துள்ளது.மதிப்பீட்டு காலத்தில், இந்தியாவின் உருக்கு உற்பத்தி, 6.6 சதவீதம் அதிகரித்து, 60 லட்சம் டன்னிலிருந்து, 64 லட்சம் டன்னாக உயர்ந் துள்ளது. சீனாவின் உருக்கு உற்பத்தி, 13.7 சதவீதம் வளர்ச்சி கண்டு, 5.75 கோடி டன்னாக அதிகரித்துள்ளது.
ஜப்பான் மற்றும் தென் கொரியா ஆகிய நாடுகளின் உருக்கு உற்பத்தி முறையே, 85 லட்சம் டன் மற்றும் 56 லட்சம் டன்னாகவும் அதிகரித்துள்ளது.துருக்கியின் உருக்கு உற்பத்தி, 4.6 சதவீதம் உயர்ந்து, 30 லட்சம் டன்னா கவும், ரஷ்யாவின் உருக்கு உற்பத்தி, 55 லட்சம் டன் என்ற அளவில் உயர்ந்து உள்ளது.
பிரேசிலின் உருக்கு உற்பத்தி, 2.4 சதவீதம் உயர்ந்து, 28 லட்சம் டன் என்ற அளவில் அதிகரித்துள்ளது. அதேசமயம், ஜெர்மனியின் உருக்கு உற்பத்தி, 0.2 சதவீதம் குறைந்து, 34 லட்சம் டன் என்ற அளவில் குறைந்து உள்ளது. இத்தாலியின் உற்பத்தி, 12.9 சதவீதம் சரிவடைந்து, 20.20 லட்சம் டன் என்ற அளவிலும், பிரான்சின் உற்பத்தி, 14.2 சதவீதம் குறைந்து, 13 லட்சம் டன் என்ற அளவிலும் குறைந்துள்ளன. அமெரிக்காவின் உருக்கு உற்பத்தி, 4.8 சதவீதம் குறைந்து, 67 லட்சம் டன்னாக குறைந்துள்ளது.
மேலும் கம்மாடிட்டி செய்திகள்
|
Advertisement
|
Advertisement
|
Advertisement
|
|
|
|