மும்பை:நாட்டின் பங்கு வர்த்தகம், புத்தாண்டின் தொடக்க தினமான செவ்வாய்கிழமையன்று மிகவும் சிறப்பாக இருந்தது. அமெரிக்காவின், நிதி சீரமைப்பு திட்டத்தில் நிதான போக்கு கடைபிடிக்கப்படும் என்ற செய்தி வெளியானதைஅடுத்து, இந்திய பங்குச் சந்தைகளில் வர்த்தகம் விறுவிறுப்புடன் காணப்பட்டது. 'சென்செக்ஸ்' குறியீட்டு எண், 0.79 சதவீத ஏற்றத்துடன் முடிவடைந்தது.
இதர ஆசிய நாடுகளின், பெரும்பாலான சந்தைகளுக்கு, நேற்று, பொது விடுமுறை விடப்பட்டிருந்தது.நேற்றைய வர்த்தகத்தில், பொறியியல், ரியல் எஸ்டேட், வங்கி, உலோகம் உள்ளிட்ட பல துறைகளைச் சேர்ந்த நிறுவனப் பங்குகளும் அதிக விலைக்கு கைமாறின.
மும்பை பங்குச் சந்தையின் குறியீட்டு எண், வர்த்தகம் முடியும் போது, 154.10 புள்ளிகள் அதிகரித்து, 19,580.81 புள்ளிகளில் நிலைகொண்டது. வர்த்தகத்தின் இடையே, இப்பங்குச் சந்தையின் குறியீட்டு எண், அதிகபட்சமாக, 19,623.76 புள்ளிகள் வரையிலும், குறைந்தபட்சமாக, 19,508.93 புள்ளிகள் வரையிலும் சென்றது.
'சென்செக்ஸ்' கணக்கிட உதவும், 30 நிறுவனங்களுள், என்.டி.பி.சி., இன்போசிஸ், ஹீரோ மோட்டோகார்ப் ஆகிய மூன்று நிறுவனப் பங்குகளை தவிர, ஏனைய, 27 நிறுவனப் பங்குகளின் விலை அதிகரித்து காணப்பட்டது.தேசிய பங்குச் சந்தையின் குறியீட்டு எண், 'நிப்டி', 45.75 புள்ளிகள் உயர்ந்து, 5,950.85 புள்ளிகளில் நிலைபெற்றது. வர்த்தகத்தின் இடையே அதிகபட்சமாக, 5,963.90 புள்ளிகள் வரையிலும், குறைந்தபட்சமாக, 5,935.20 புள்ளிகள் வரையிலும் சென்றது.

மேலும் பங்கு வர்த்தகம் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜனவரி 02,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜனவரி 02,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜனவரி 02,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜனவரி 02,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜனவரி 02,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்