புதுடில்லி:சென்ற டிசம்பர் மாதத்தில், நாட்டின், முக்கிய எட்டு துறைகளின் உற்பத்தி, 2.6 சதவீதமாக, குறைந்துள்ளது. இது, கடந்த, 2011ம் ஆண்டின், இதே மாதத்தில், 4.9 சதவீதம் என்ற அளவில் உயர்ந்து காணப்பட்டது என, மத்திய தொழில் மற்றும் வர்த்தக அமைச்சகம் தெரிவித்துள்ளது.
மின்சாரம்:முக்கிய எட்டு துறைகளின் கீழ், நிலக்கரி, கச்சா எண்ணெய், இயற்கை எரிவாயு, சுத்திகரிக்கப்பட்ட பெட்ரோலிய பொருட்கள், உரம், உருக்கு, சிமென்ட், மின்சாரம் ஆகியவை இடம்பெற்றுள்ளன. நாட்டின், தொழில் துறை உற்பத்தி குறியீட்டு எண் (ஐ.ஐ.பி.,) கணக்கிடுவதில், இவற்றின் பங்களிப்பு, 37.90 சதவீதம் என்ற அளவில் உள்ளது.மதிப்பீட்டு காலத்தில், நிலக்கரி, இயற்கை எரிவாயு, உரம் ஆகிய துறைகளின் உற்பத்தி குறைந்து உள்ளது. அதேசமயம், கச்சா எண்ணெய், சுத்திகரிக்கப்பட்ட, பெட்ரோலிய பொருட்கள் உள்ளிட்ட துறைகளின் உற்பத்தி நன்கு இருந்தது.
நடப்பு நிதியாண்டின், ஏப்ரல் முதல் டிசம்பர் வரையிலான, ஒன்பது மாத காலத்தில், முக்கிய எட்டு துறைகளின் உற்பத்தி, 3.3 சதவீதம் என்ற அளவில், குறைந்த வளர்ச்சி கண்டுள்ளது. இது, சென்ற நிதியாண்டின், இதே காலத்தில், 4.8 சதவீதமாக உயர்ந்திருந்தது. சென்ற டிசம்பர் மாதத்தில், நிலக்கரி துறையின் உற்பத்தி, மைனஸ், 0.2 சதவீதம் என்ற அளவில், பின்னடைவை கண்டுள்ளது.
இது, கடந்த, 2011ம் ஆண்டின், இதே மாதத்தில், 5.5 சதவீதம் என்ற அளவில், சிறப்பாக வளர்ச்சி கண்டுஇருந்தது. கணக்கீட்டு காலத்தில், கச்சா எண்ணெய் உற்பத்தி, மைனஸ், 5.6 சதவீதத்திலிருந்து, 1 சதவீதம் என்ற அளவில் வளர்ச்சி கண்டுள்ளது. இயற்கை எரிவாயு உற்பத்தி, மைனஸ், 10.8 சதவீதத்திலிருந்து, மைனஸ், 14.9 சதவீதமாக வீழ்ச்சி கண்டுள்ளது. சுத்திகரிக்கப்பட்ட, பெட்ரோலிய பொருட்களின் உற்பத்தி, 0.7 சதவீதத்திலிருந்து, 5 சதவீதம் என்ற அளவில் வளர்ச்சி கண்டுள்ளது.
சிமென்ட்:உர துறையின் உற்பத்தி, 0.8 சதவீதத்திலிருந்து, மைனஸ் 3.8 சதவீதமாக பின்னடைவை கண்டுள்ளது. உருக்கு துறையின் உற்பத்தி, 10.2 சதவீதத்திலிருந்து, 5.2 சதவீதம் என்ற அளவில் குறைந்துள்ளது. சிமென்ட் துறையின் உற்பத்தி வளர்ச்சி, 13.6 சதவீதத்திலிருந்து, 3.9 சதவீதமாக குறைந்துள்ளது.மதிப்பீட்டு காலத்தில், மின் உற்பத்தி துறையின் உற்பத்தி வளர்ச்சி, 8.9 சதவீதத்திலிருந்து, 4.4 சதவீதமாக குறைந்துள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 02,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 02,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 02,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 02,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 02,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்