சென்னை:அரசு மருத்துவமனைகளின் சேவையை மேம்படுத்தும் நோக்கில் கொண்டு வரப்பட்ட, "மருத்துவ தகவல் மேலாண்மைத் திட்டம்' தமிழகத்தில், சரிவர செயல்படுத்தப்படவில்லை என, மத்திய கணக்கு தணிக்கை அறிக்கையில் (சி.ஏ.ஜி.,) தெரிவிக்கப்பட்டுள்ளது.
மருத்துவமனைகள்:பல்வேறு அரசு துறை திட்டங்கள் குறித்த, 2011 -12ம் ஆண்டிற்கான, சி.ஏ.ஜி., அறிக்கை, வெளியிடப்பட்டது. அதில், அரசு மருத்துவமனைகளில், செயல்பாட்டில் உள்ள "மருத்துவ தகவல் மேலாண்மைத் திட்டம்' குறித்து, தெரிவிக்கப்பட்டுள்ளதாவது: கடந்த, 2008 ஜூன் முதல், 2012 மே மாதம் வரை, தமிழகத்தின் பல்வேறு பகுதிகளில், 20 அரசு மருத்துவமனைகளில், இத்திட்டத்தின் செயல்பாடு குறித்து, ஆய்வு செய்யப்பட்டது. அதில், குறிப்பிட்ட மருத்துவமனைகளில், புறநோயாளிகளாக சிகிச்சைப் பெற்ற, 14.04 லட்சம் பேரில், 3.84 லட்சம் பேருக்கு, ஊசி மருந்து போட பரிந்துரைக்கப்பட்டது.ஆனால், மருத்துவ தகவல் மேலாண்மை திட்ட தகவல் தளத்தில், 8,702 பேருக்கு மட்டும், ஊசி மருந்து போடப்பட்டதாக தெரிவிக்கப்பட்டுள்ளது.
மேலும், பரிசோதனைக்கு பரிந்துரைக்கப்பட்டோர் எண்ணிக்கை, 2.91 லட்சத்துக்கு பதிலாக, 2.41 லட்சமாக பதிவாகி உள்ளது. கடந்த, 2011ம் ஆண்டு, நவம்பர் முதல், 2012ம் ஆண்டு மே மாதம் வரை, காஞ்சிபுரம், திருவள்ளூர், கும்பகோணம், ஆவுடையார்கோவில் உள்ளிட்ட, 16 இடங்களில், அரசு மருத்துவமனைகளுக்கு வினியோகிக்கப்பட்ட மருந்து, மாத்திரைகள் குறித்த தகவல்கள் ஆய்வு செய்யப்பட்டன.
காலாவதி தேதி:அதில், 26.17 லட்சம் பதிவுகளில், ஒரே குறியீட்டு எண் மற்றும் தொகுதி கொண்ட மருந்துகளின், 1.42 லட்சம் பதிவுகளில், காலாவதி தேதிகள், டி.என்.எம்.எஸ்.சி.,தகவல் தளத்தில் இருந்த தேதிகளில் இருந்து வேறுபட்டு இருந்தது தெரியவந்தது.இவ்வாறு, தணிக்கை அறிக்கையில் தெரிவிக்கப்பட்டுள்ளது.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு மே 19,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் மே 19,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது மே 19,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி மே 19,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு மே 19,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்