புதுடில்லி:சென்ற செப்டம்பர் மாதத்தில், முன்னணி நிறுவனங்களின் வாகன விற்பனை, ஏற்ற, இறக்கத்துடன் இருந்தது.தீபாவளி பண்டிகை நெருங்கி வருவதால், வாகன தயாரிப்பு நிறுவனங்கள் பல்வேறு சலுகை திட்டங்களை அறிவித்து, விற்பனையை உயர்த்தும் முயற்சியை மேற்கொண்டுள்ளன.
பொருளாதார மந்த நிலை, பணவீக்கம் அதிகரிப்பு, எரிபொருள் விலை உயர்வு, வாகன கடனுக்கான வட்டி அதிகமாக இருப்பது போன்ற பல்வேறு இடர் பாடுகளை வாகனத் துறை சந்தித்து வருகிறது.
மாருதி சுசூகி:இதனால், நடப்பாண்டு துவக்கம் முதல், வாகன துறையின் விற்பனை, எதிர்பார்த்ததை விட, குறைவாக உள்ளது. தொய்ந்திருந்த வாகன விற்பனையில், கடந்த ஆகஸ்ட் மாதம், சிறிது முன்னேற்றம் காணப்பட்டது. செப்டம்பரில், சில நிறுவனங்களின் வாகன விற்பனை உயர்ந்தும், சிலவற்றின் விற்பனை குறைந்தும் இருந்தது.
மாருதி நிறுவனம், கார் தயாரிப்பு மற்றும் விற்பனையில் முதலிடத்தில் உள்ளது. சென்ற செப்டம்பரில், இதன் கார் விற்பனை, 11.7 சதவீதம் வளர்ச்சி கண்டு, 1,04,964 ஆக உயர்ந்துள்ளது. இது, சென்ற ஆண்டு, இதே மாதத்தில், 93,988 ஆக இருந்தது.
இதே காலத்தில், இந்நிறுவனத்தின் வாகன ஏற்றுமதி, ஏறக்குறைய மூன்று மடங்கு அதிகரித்து, 5,187 என்ற எண்ணிக்கையிலிருந்து, 14,565 ஆக வளர்ச்சி கண்டுள்ளது. உள்நாட்டில், இந்நிறுவனத்தின் கார் விற்பனை, 1.8 சதவீதம் வளர்ச்சி கண்டு, 88,801லிருந்து, 90,399ஆக உயர்ந்துள்ளது.
போர்டு இந்தியா:இந்நிறுவனத்தின் கார் விற்பனை, 51 சதவீதம் வளர்ச்சி கண்டு, 9,418லிருந்து, 14,217ஆக அதிகரித்துள்ளது.உள்நாட்டில், கார் விற்பனை, 36.51 சதவீதம் அதிகரித்து, 7,794லிருந்து, 10,640ஆக உயர்ந்துள்ளது. கார் ஏற்றுமதி, இரண்டு மடங்கிற்கும் மேல் அதிகரித்து, 1,624லிருந்து, 3,577ஆக வளர்ச்சி கண்டுள்ளது. மதிப்பீட்டு மாதத்தில், ஹோண்டா கார்ஸ் நிறுவனத்தின் கார் விற்பனை, 88 சதவீதம் அதிகரித்து, 5,508லிருந்து, 10,354 ஆக வளர்ச்சி கண்டுள்ளது.
மகிந்திரா:மதிப்பீட்டு காலத்தில், இந்நிறுவனத்தின் வாகன விற்பனை, 10.45 சதவீதம் வீழ்ச்சி கண்டு,48,342லிருந்து, 43,289ஆக சரிவடைந்துள்ளது. இதன் உள்நாட்டு வாகன விற்பனை, 10.35 சதவீதம் குறைந்து, 45,263லிருந்து, 40,574ஆக சரிவடைந்துள்ளது.
வாகனஏற்றுமதியும்,11.88 சதவீதம் சரிவடைந்து, 3,079 என்ற எண்ணிக்கையிலிருந்து, 2,715 ஆக குறைந்துள்ளது.இருப்பினும், இந்நிறுவனத்தின்3 சக்கர வாகனங்கள் விற்பனை, 5.86 சதவீதம் உயர்ந்து, 6,048லிருந்து, 6,403ஆக அதிகரித்துள்ளது.
கணக்கீட்டுகாலத்தில்,ஜெனரல் மோட்டார்ஸ்நிறுவனத்தின் கார்விற்பனை,4.79 சதவீதம் சரிவடைந்து, 7,403 என்ற எண்ணிக்கையிலிருந்து,7,048 ஆக குறைந்துள்ளது.
ஹூண்டாய் மோட்டார்:இந்நிறுவனம், வாகன தயாரிப்பு மற்றும் விற்பனையில் இரண்டாம் இடத்தில் உள்ளது. மதிப்பீட்டு மாதத்தில், இதன் கார் விற்பனை, 3.99 சதவீதம் சரிவடைந்து, 51,418 ஆக குறைந்துள்ளது.இது, கடந்தாண்டு செப்டம்பரில், 53,557 ஆக இருந்தது.
இதே காலத்தில், இந்நிறுவனத்தின் உள்நாட்டு கார் விற்பனை, 30,851 லிருந்து, 30,601ஆக குறைந்துள்ளது.கார் ஏற்றுமதியும், 8.31 சதவீதம் வீழ்ச்சி கண்டு, 22,706 லிருந்து, 20,817ஆக சரிவடைந்துள்ளது.
ஹீரோ மோட்டோகார்ப்:நடப்பாண்டு செப்டம்பர் மாதத்தில், இந்நிறுவனத்தின் வாகன விற்பனை, 15.78 சதவீதம் வளர்ச்சி கண்டு, 4,04,787 என்ற எண்ணிக்கையிலிருந்து, 4,68,670ஆக அதிகரித்துள்ளது.
டி.வி.எஸ்., மோட்டார்:சென்னையைச் சேர்ந்த டி.வி.எஸ்., மோட்டார் கம்பெனி, சென்ற செப்டம்பர் மாதத்தில், 1,97,409 வாகனங்களை விற்பனை செய்துள்ளது. இது, கடந்தாண்டு இதே மாதத்தில், 1,70,097ஆக இருந்தது. ஆக, மதிப்பீட்டு மாதத்தில், இந்நிறுவனத்தின் வாகன விற்பனை, 16 சதவீதம் வளர்ச்சி கண்டுள்ளது.இருசக்கர வாகனங்கள் பிரிவில், இந்நிறுவனத்தின் விற்பனை, 15 சதவீதம் உயர்ந்து, 1,65,092 என்ற எண்ணிக்கையிலிருந்து, 1,89,609 ஆக அதிகரித்துள்ளது.
குறிப்பாக, உள்நாட்டில், இந்நிறுவனத்தின் வாகன விற்பனை, 13 சதவீதம் வளர்ச்சி கண்டு, 1,49,191லிருந்து, 1,68,598ஆக உயர்ந்துள்ளது.இதே போன்று இந்நிறுவனத்தின் வாகனங்கள் ஏற்றுமதி, 47 சதவீதம் அதிகரித்து, 18,818 என்ற எண்ணிக்கையிலிருந்து, 27,577ஆக வளர்ச்சி கண்டு உள்ளது.

மேலும் ஆட்டோமொபைல் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 02,2013

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 02,2013

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 02,2013

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 02,2013

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 02,2013

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்