பதிவு செய்த நாள்
16 அக்2013
14:50
மும்பை : இந்தியாவில் உள்ள முன்னணி ஐ.டி. நிறுவனமான இன்போசிஸ் நடப்பாண்டில் தனது இரண்டாம் காலாண்டு நிதிநிலை அறிக்கையை வெளியிட்டுள்ளது. அதில் இரண்டாம் காலாண்டில் அந்த நிறுவனத்தின் நிகர லாபம் 1.6 சதவீதம் உயர்ந்து ரூ.2,407 கோடியாக அதிகரித்துள்ளது. கடந்தாண்டு இதே காலக்கட்டத்தில் இந்நிறுவனத்தின் லாபம் ரூ.2,374 கோடியாக இருந்தது. நிறுவனத்தின் மொத்த வருவாயும் 31.5 சதவீதம் உயர்ந்து ரூ.12,965 கோடியாக உள்ளது.
முன்னதாக நடப்பாண்டில் இந்நிறுவனத்தின் வளர்ச்சி விகிதம் 6 முதல் 10 சதவீதம் இருக்கும் என கணக்கிடப்பட்டு இருந்தது. தற்போது அதன் வளர்ச்சி 9 முதல் 10 சதவீதமாக மாறும் என எதிர்பார்ப்பதாக இன்போசிஸ் நிறுவனம் தெரிவித்துள்ளது. மேலும் முதலீட்டாளர்களுக்கு ஒரு பங்குக்கு ரூ.20 இடைக்கால டிவிடெண்ட் அளிக்கப்படும் என இந்நிறுவனம் அறிவித்துள்ளது.
மேலும் ஐ.டி செய்திகள்
|
Advertisement
|
Advertisement
|
Advertisement
|
|
|
|