பதிவு செய்த நாள்
27 நவ2013
00:09
புதுடில்லி: நடப்பு 2013–14ம் நிதியாண்டின் ஏப்ரல் முதல் அக்டோபர் வரையிலான ஏழு மாத காலத்தில், நாட்டின் ஆபரணங்கள் மற்றும் நவரத்தினங்கள் ஏற்றுமதி, ரூபாய் மதிப்பின் அடிப்படையில், 1,24,508 கோடியாக வளர்ச்சி கண்டுள்ளது. சுங்கவரிஇது, கடந்த நிதிஆண்டின் இதே காலத்தில், 1,22,461 கோடி ரூபாயாக இருந்தது. ஆக, கணக்கீட்டு காலத்தில், மேற்கண்டவற்றின் ஏற்றுமதி, 1.67 சதவீதம் வளர்ச்சி கண்டுள்ளது என, இந்திய நவரத்தினங்கள் மற்றும் ஆபரணங்கள் ஏற்றுமதி மேம்பாட்டு கவுன்சிலின் தற்காலிக புள்ளிவிவரத்தில் தெரிவிக்கப்பட்டுள்ளது.அதேசமயம், மதிப்பீட்டு காலத்தில், இவற்றின் ஏற்றுமதி,டாலர் மதிப்பின் அடிப்படையில், 6.67 சதவீதம் சரிவடைந்து, 2,244 கோடி டாலரிலிருந்து, 2,094 கோடி டாலராக குறைந்துள்ளது.குறிப்பாக, சென்ற அக்டோபரில் மட்டும், நாட்டின் நவரத்தினங்கள் மற்றும் ஆபரணங்கள் ஏற்றுமதி, ரூபாய் மதிப்பின் அடிப்படையில், 41.58 சதவீதம் வளர்ச்சி கண்டு, 14,691 கோடியிலிருந்து, 20,800 கோடி ரூபாயாக அதிகரித்துள்ளது.
வைரங்கள் ஏற்றுமதிமேலும், டாலர் மதிப்பின் அடிப்படையிலும், இவற்றின் ஏற்றுமதி, 21.82 சதவீதம் என்ற அளவில் சிறப்பாக வளர்ச்சி கண்டு, 277 கோடி டாலரிலிருந்து, 338 கோடி டாலராக உயர்ந்துள்ளது.நடப்பு நிதியாண்டின் ஏப்ரல் முதல் அக்டோபர் வரையிலான ஏழு மாத காலத்தில், நறுக்கப்பட்ட மற்றும் பட்டை தீட்டப்பட்ட வைரங்கள் ஏற்றுமதி, ரூபாய் மதிப்பின் அடிப்படையில், 49.61 சதவீதம் அதிகரித்து, 49,664 கோடியிலிருந்து, 74,301 கோடி ரூபாயாக வளர்ச்சி கண்டுள்ளது. மேலும், அளவின் அடிப்படையில் இதன் ஏற்றுமதி, 195.79 லட்சம் காரட்டிலிருந்து, 222.01 லட்சம் காரட்டாக உயர்ந்து உள்ளது.அதேசமயம், கணக்கீட்டு காலத்தில், தங்க ஆபரணங்கள் ஏற்றுமதி, ரூபாய் மதிப்பின் அடிப்படையில், 50.81 சதவீதம் சரிவடைந்து, 47,867 கோடியிலிருந்து, 23,546 கோடி ரூபாயாக வீழ்ச்சி கண்டுள்ளது.மத்திய அரசு, தங்கம் இறக்குமதிக்கு விதித்துள்ள கட்டுப்பாடுகளால் தான், நாட்டின் ஆபரணங்கள் ஏற்றுமதி வீழ்ச்சி கண்டுள்ளது என, இத்துறையைச் சேர்ந்த ஆய்வாளர்கள் கருத்து தெரிவித்துள்ளனர்.
இதே போன்று, கணக்கீட்டு காலத்தில், தங்க பதக்கங்கள் மற்றும் காசுகள் ஏற்றுமதியும், 34.27 சதவீதம் சரிவடைந்து, 16,711 கோடியிலிருந்து, 10,984 கோடி ரூபாயாக வீழ்ச்சி கண்டுஉள்ளது.நவரத்தினங்கள்அதேசமயம், நவரத்தின கற்கள் ஏற்றுமதி, மதிப்பீட்டு காலத்தில், 126.58 சதவீதம் என்ற அளவில் சிறப்பாக வளர்ச்சி கண்டு, 928 கோடியிலிருந்து, 2,102 கோடி ரூபாயாக அதிகரித்து உள்ளது.இதே போன்று, வெள்ளி ஆபரணங்கள் ஏற்றுமதியும்,129.44 சதவீதம் அதிகரித்து, 2,276 கோடியிலிருந்து, 5,222 கோடி ரூபாயாக வளர்ச்சி கண்டுள்ளது என, இக்கவுன்சில் புள்ளிவிவரத்தில் தெரிவிக்கப்பட்டுள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|