புதுடில்லி: "ஆதார்' அடையாள அட்டையுடன் இணைந்த, வங்கிக் கணக்கு இல்லாதவர்களும், மானிய விலை சமையல் காஸ் சிலிண்டர்களை பெறலாம்' என, மத்திய அரசு தெளிவுப்படுத்தியுள்ளது. மானிய விலையில் வழங்கப்படும், சமையல் காஸ் சிலிண்டர்கள் எண்ணிக்கையை, ஒன்பதிலிருந்து, 12 ஆக மத்திய அரசு, சமீபத்தில் உயர்த்தியது. மற்றொரு புறம், மானிய விலை சிலிண்டர்களை பெறுவதற்கு, ஆதார் அட்டையுடன் இணைந்த வங்கிக் கணக்கு அவசியம் என, அறிவிக்கப்பட்டிருந்தது.

உறுதிபடுத்த வேண்டும்: இது தொடர்பாக, முன்னுக்குப்பின் முரணான கருத்துக்கள் வந்த வண்ணம் இருந்தன. இந்த குழப்பத்திற்கு விடை காண, சுப்ரீம் கோர்ட் வரை, இந்த விவகாரம் எடுத்து செல்லப்பட்டது. கடைசியாக, சுப்ரீம் கோர்ட், "அரசின் மானிய பலன்களைப் பெற, ஆதார் அட்டை தேவையில்லை என்பதை, மத்திய அரசு உறுதிபடுத்த வேண்டும்' என, அறிவித்தது. இருப்பினும், இந்த பிரச்னை குறித்து, விளக்கம் அளிக்கும்படி, லோக்சபாவில் பிரச்னை எழுப்பப்பட்டது.

இது குறித்து, மத்திய, பெட்ரோலிய அமைச்சர், வீரப்ப மொய்லி நேற்று கூறியதாவது:

கணக்கு அவசியமில்லை : மானிய விலை சமையல் காஸ் சிலிண்டர்களை பெறுவதற்கு, ஆதார் அட்டையுடனான கணக்கு அவசியமில்லை. இந்த கணக்கு இல்லாமலேயே, வழக்கம் போல், மானிய விலை சிலிண்டர்களை பெறலாம். இது குறித்து, விளக்கம் அளித்து அறிவிப்பு, ஒரு வாரத்திற்குள் வெளியிடப்படும். மானிய விலை சிலிண்டர்கள் விலையை அரசு உயர்த்தாது. அதே போல், ஒரே வீட்டில், இரண்டு குடும்பங்கள் இருந்தாலும், இரண்டு காஸ் இணைப்புகள் வழங்கப்படும். ஒவ்வொரு ஆண்டும், புதிதாக, ஒரு கோடி காஸ் இணைப்புகள் வழங்கப்படுகின்றன. இதில் பெரும்பாலும், கிராமப்பகுதிகளில் தான் அதிகமாக வழங்கப்படுகின்றன.இவ்வாறு, மொய்லி கூறினார்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு பிப்ரவரி 22,2014

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் பிப்ரவரி 22,2014

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது பிப்ரவரி 22,2014

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி பிப்ரவரி 22,2014

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு பிப்ரவரி 22,2014

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்