பதிவு செய்த நாள்
06 ஜூலை2014
00:40
புதுடில்லி:சென்ற ஏப்ரலில், தோல் பொருட்கள் ஏற்றுமதி, 42.60 சதவீதம் வளர்ச்சி கண்டு, 2,838 கோடி ரூபாயாக அதிகரித்துள்ளது. இது, சென்ற ஆண்டு இதே மாதத்தில், 1,990 கோடி ரூபாயாக இருந்தது.இதே காலத்தில், டாலர் அடிப்படையிலான ஏற்றுமதி, 28.47 சதவீதம் வளர்ச்சி கண்டு, 36 கோடி டாலரிலிருந்து, 47 கோடி டாலராக உயர்ந்துள்ளது என, வர்த்தக புலனாய்வு மற்றும் புள்ளியியல் தலைமை இயக்குனரகம் (டீ.ஜி.சி.ஐ.எஸ்.,) தெரிவித்துள்ளது.குதிரை சேணம்கணக்கீட்டு மாதத்தில், தோல் காலணிகள் ஏற்றுமதி, 52.93 சதவீதம் அதிகரித்து, 598 கோடி ரூபாயிலிருந்து, 914 கோடி ரூபாயாக வளர்ச்சி கண்டு உள்ளது.
பயன்பாட்டிற்கு தயாரான தோல் பொருட்கள் ஏற்றுமதி, 37.43 சதவீதம் உயர்ந்து, 522 கோடியிலிருந்து, 717 கோடி ரூபாயாக அதிகரித்துள்ளது. காலணிகளுக்கான உதிரிபாகங்கள் ஏற்றுமதியும், 40.16 சதவீதம் உயர்ந்து, 123 கோடியிலிருந்து, 173 கோடி ரூபாயாக வளர்ச்சி கண்டுள்ளது.வெளிநாடுகளில், இந்திய தோல் ஆடைகளுக்கான தேவை அதிகரித்துள்ளதையடுத்து, இதன் ஏற்றுமதி, 29.63 சதவீதம் உயர்ந்து, 132 கோடியிலிருந்து, 172 கோடி ரூபாயாக ஏற்றம் கண்டுள்ளது.மேற்கண்டவற்றை தவிர, தோல் பொருட்கள் ஏற்றுமதி, 30.05 சதவீதம் வளர்ச்சி கண்டு, 491 கோடியிலிருந்து, 638 கோடி ரூபாயாக உயர்ந்துள்ளது.
குதிரை சேணம் உள்ளிட்ட விலங்குகளுக்கான தோல் பொருட்கள் ஏற்றுமதி, 47.69 சதவீதம் உயர்ந்து, 48 கோடியிலிருந்து, 71 கோடி ரூபாயாக அதிகரித்துள்ளது.தோல் சாராத காலணிகளின் ஏற்றுமதி இருமடங்கிற்கும் அதிகமாக, அதாவது, 102.63 சதவீதம் வளர்ச்சி கண்டு, 74 கோடியிலிருந்து, 150 கோடி ரூபாயாக உயர்ந்துள்ளது.மொத்த தோல் பொருட்கள் ஏற்றுமதியில், காலணிகள் பிரிவு, 44 சதவீத பங்களிப்புடன் முதலிடத்தில் உள்ளது.
இதையடுத்து, விற்பனைக்கு தயாரான தோல் (25 சதவீதம்), தோல் பொருட்கள் (23 சதவீதம்), தோல் ஆடைகள் (6 சதவீதம்), விலங்குகளுக்கான தோல் பொருட்கள் (2 சதவீதம்) ஆகியவை உள்ளன.கணக்கீட்டு மாதத்தில், மொத்த தோல் பொருட்கள் ஏற்றுமதியில், ஜெர்மனி, 11.73 சதவீத பங்களிப்புடன் முதலிடத்தில் உள்ளது.இங்கிலாந்து:இந்நாட்டிற்கான, தோல் பொருட்கள் ஏற்றுமதி, டாலர் அடிப்படையில், 44.19 சதவீதம் வளர்ச்சி கண்டு, 3.82 கோடியில் இருந்து, 5.51 கோடி டாலராக அதிகரித்துள்ளது.
இதையடுத்து, இங்கிலாந்து (10.86 சதவீதம்/5.10 கோடி டாலர்), அமெரிக்கா (10.03 சதவீதம்/4.71 கோடி டாலர்), இத்தாலி (9.03 சதவீதம்/4.24 கோடி டாலர்) ஆகிய நாடுகள் உள்ளன.வரும் 2016–17ம் நிதியாண்டில், இந்திய தோல் பொருட்கள் ஏற்றுமதி, 84 ஆயிரம் கோடி ரூபாய் (1,400 கோடி டாலர்) என்ற அளவை எட்டும் என, தோல் பொருட்கள் ஏற்றுமதி மேம்பாட்டு கூட்டமைபபு மதிப்பிட்டு உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|