பதிவு செய்த நாள்
25 ஏப்2016
00:19
வீடியோகான் இண்டஸ்ட்ரீஸ் விற்பனை ரூ.3,084 கோடி
வீடியோகான் இண்டஸ்ட்ரீஸ் நிறுவனம், கடந்த டிச., மாதத்துடன் முடிவடைந்த காலாண்டில், 84.42 கோடி ரூபாயை நிகர இழப்பாக கொண்டுள்ளது. இது, முந்தைய ஆண்டின், இதே காலாண்டில், 18.61 கோடி ரூபாயாக இருந்தது. இதே காலாண்டுகளில், இந்நிறுவனத்தின் விற்பனை, 1.63 சதவீதம் குறைந்து, 3,135.14 கோடி ரூபாயில் இருந்து, 3,084.13 கோடி ரூபாயாக சரிவடைந்துள்ளது. கடந்த முழு ஆண்டில், இந்நிறுவனத்தின் விற்பனை, 18 ஆயிரத்து, 904.35 கோடி ரூபாயில் இருந்து, 12 ஆயிரத்து, 387.03 கோடி ரூபாயாக குறைந்துள்ளது.
பஜாஜ் கார்ப்., விற்பனை ரூ.227 கோடி
பஜாஜ் கார்ப்., நிறுவனம், கடந்த மார்ச் மாதத்துடன் முடிவடைந்த காலாண்டில், 54.02 கோடி ரூபாயை நிகர லாபமாக ஈட்டியுள்ளது. இது, கடந்த ஆண்டின், இதே காலாண்டில், 54.42 கோடி ரூபாயாக சற்று உயர்ந்திருந்தது. இதே காலாண்டுகளில், இந்நிறுவனத்தின் விற்பனை, 3.24 சதவீதம் சரிவடைந்து, 235.42 கோடி ரூபாயில் இருந்து, 227.79 கோடி ரூபாயாக குறைந்துள்ளது. கடந்த முழு நிதியாண்டில், இந்நிறுவனத்தின் நிகர லாபம், 197.971 கோடி ரூபாயாகவும், விற்பனை, 866.57 கோடி ரூபாயாகவும் அதிகரித்துள்ளது.
எவரான் எஜுகேஷன்விற்பனை ரூ.3 கோடி
எவரான் எஜுகேஷன் நிறுவனத்தின் விற்பனை, கடந்த டிச., மாதத்துடன் முடிவடைந்த காலாண்டில், 3.03 கோடி ரூபாயாக குறைந்துள்ளது. இது, முந்தைய ஆண்டின், இதே காலாண்டில், 6.16 கோடி ரூபாயாக இருந்தது. இதே காலாண்டுகளில், இந்நிறுவனத்தின் தனிப்பட்ட நிகர இழப்பு, 18.55 கோடி ரூபாயில் இருந்து, 572.09 கோடி ரூபாயாக அதிகரித்துள்ளது.
இந்தியன் டெரைன் நிகர லாபம் ரூ.9 கோடி
இந்தியன் டெரைன் நிறுவனம், கடந்த டிச., மாதத்துடன் நிறைவடைந்த காலாண்டில், 9.05 கோடி ரூபாயாக அதிகரித்து உள்ளது. இது, முந்தைய ஆண்டின் இதே காலாண்டில், 4.94 கோடி ரூபாயாக குறைந்து இருந்தது. இதே காலாண்டுகளில், இந்நிறுவனத்தின் விற்பனை, 15.24 சதவீதம் அதிகரித்து, 66.09 கோடி ரூபாயில் இருந்து, 76.16 கோடி ரூபாயாக உயர்ந்துள்ளது.
அரவிந்தோ பார்மா விற்பனை ரூ.2,302 கோடி
அரவிந்தோ பார்மா நிறுவனத்தின் நிகர லாபம், 2015 டிச., மாதத்துடன் முடிவடைந்த காலாண்டில், 18.12 சதவீதம் உயர்ந்து, 465.71 கோடி ரூபாயாக உயர்ந்துள்ளது. இது, முந்தைய ஆண்டின், இதே காலாண்டில், 394.27 கோடி ரூபாயாக குறைந்திருந்தது. இதே காலாண்டுகளில், இந்நிறுவனத்தின் விற்பனை, 10.97 சதவீதம் உயர்ந்து, 2,074.36 கோடி ரூபாயில் இருந்து, 2,302.02 கோடி ரூபாயாக அதிகரித்துள்ளது.
கேஸ்ட்ரால் இந்தியா லாபம் ரூ.140.80 கோடி
கேஸ்ட்ரால் இந்தியா நிறுவனம், கடந்த முழு நிதியாண்டில், 615.20 கோடி ரூபாயை நிகர லாபமாக ஈட்டி உள்ளது. இது, முந்தைய ஆண்டின் இதே காலாண்டில், 474.50 கோடி ரூபாயாக இருந்தது. இதே காலாண்டுகளில், அந்நிறுவனத்தின் விற்பனை, 2.82 சதவீதம் சரிவடைந்து, 3,380.80 கோடி ரூபாயில் இருந்து, 3,285.30 கோடி ரூபாயாக குறைந்துள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|