பதிவு செய்த நாள்
26 ஆக2016
00:03
மும்பை : ஐநாக்ஸ் நிறுவனம், 200 கோடி ரூபாய் முதலீட்டில், விரிவாக்க நடவடிக்கைகளில் ஈடுபட உள்ளது.
நாடு முழுவதும் முக்கிய நகரங்களில், ஐநாக்ஸ் நிறுவனத்திற்கு, சினிமா திரையரங்குகள் உள்ளன. இந்த நிறுவனம், கடந்த ஜூன் மாதத்துடன் முடிவடைந்த காலாண்டில், 25 கோடி ரூபாயை நிகர லாபமாகவும், 321.60 கோடி ரூபாயை நிகர விற்பனையாகவும் ஈட்டி உள்ளது. இந்த நிலையில், அந்த நிறுவனம், 200 கோடி ரூபாய் செலவில், விரிவாக்க நடவடிக்கைகளில் ஈடுபட திட்டமிட்டு உள்ளது.
இதுகுறித்து, அந்த நிறுவனத்தின் அதிகாரி ஒருவர் கூறியதாவது:வாடிக்கையாளர் விரும்பும் வகையில், திரையரங்கங்களை அமைத்து வருகிறோம். எங்கள் நிறுவனம், நடப்பு நிதியாண்டிற்குள், 12 வணிக வளாகங்களில், 10 ஆயிரத்து, 786 இருக்கைகள் உடைய, 54 திரையரங்கங்களை அமைக்க முடிவு செய்துள்ளது. இதன் மூலம், 120 வணிக வளாகங்களில், 479 திரையரங்கங்களை நிர்வகிக்கும். இவ்வாறு அவர் கூறினார்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|