பண்­டிகை காலத்தை முன்­னிட்டு பல்­வேறு நிறு­வ­னங்கள் தள்­ளு­ப­டி­க­ளையும், சலு­கை­களையும் அளித்து கவர்ந்­தி­ழுத்து வரும் நிலையில், வாடிக்­கை­யா­ளர்கள் தரத்தை முக்­கிய அம்­ச­மாக கருத வேண்டும்.
தீபா­வளி சீசனை முன்­னிட்டு வர்த்­தக நிறு­வ­னங்கள் வாடிக்­கை­யா­ளர்­களை கவர தள்­ளு­படி மற்றும் சலு­கை­களை அறி­வித்து வரு­கின்­றன. இணை­யத்­திலும் சரி, சந்­தை­யிலும் சரி வாடிக்­கை­யா­ளர்­க­ளுக்கு பல்­வேறு சலு­கைகள் காத்­தி­ருக்­கின்­றன. புதிய வீடு­க­ளுக்கும், வீட்­டுக்­க­டன்­க­ளுக்கும் கூட பல்­வேறு சலு­கைகள் இருக்­கின்­றன. கிரெடிட் கார்டு மற்றும் டிஜிட்டல் வாலெட்­களை பயன்­ப­டுத்தும் போது கேஷ்பேக் சலு­கை­களும் அறி­விக்­கப்­பட்­டுள்­ளன. பொது­வா­கவே பண்­டிகை காலங்­களில் விற்­ப­னையை அதி­க­ரிக்க வர்த்­தக நிறு­வ­னங்கள் இத்­த­கைய உத்­தி­களை பின்­பற்­று­வது வழக்­க­மா­னது தான். எனினும், இப்­போது மின் வணிக நிறு­வ­னங்கள் இதை உச்­சத்­துக்கு கொண்டு சென்­றுள்­ளன.
தள்­ளு­ப­டி சலுகைகள்வர்த்­தக நிறு­வ­னங்கள் வாரி வழங்கும் சலுகைகள் வாடிக்­கை­யா­ளர்­களை உற்­சா­கத்தில் ஆழ்த்­து­வது இயல்­பா­னது தான். ஆனால், தள்­ளு­ப­டியில் குறைந்த விலையில் பொருட்­களை வாங்கும் உற்­சா­கத்தில் தேவை­யில்­லாத பொருட்­களை வாங்­கி­விட்டு பின்னர் வருத்­தப்­படும் வாய்ப்பு இருக்­கி­றது.அது மட்டும் அல்ல தள்­ளு­ப­டியை விட தரம் முக்­கியம் என்­பதை வாடிக்­கை­யா­ளர்கள் நினைவில் கொள்ள வேண்டும். தள்­ளு­படி சலு­கை­க­ளுக்கு பின்னே பொடி எழுத்­துக்­களில் மறைந்திருக்க கூடிய நிபந்­த­னை­களையும், மற்ற விபரங்­க­ளையும் கவ­னித்து முடிவு எடுப்பதும் அவ­சியம்.
ரியல் எஸ்டேட் ரியல் எஸ்டேட் துறையில் சில கால­மாக சுணக்கம் நிலவி வரு­வதால் கட்­டு­மான நிறு­வ­னங்கள் பல்­வேறு சலு­கை­களை வழங்கி கொண்­டி­ருக்­கின்­றன. எனவே, பண்­டிகை காலத்தை முன்­னிட்டு வழங்­கப்­ப­டு­வ­தாக கூறப்­படும் சலு­கைகள் பெரிய அளவில் வேறு­பட்­டி­ருக்க வாய்ப்­பில்லை என்­பதை அறிந்­தி­ருக்க வேண்டும் என்­கின்­றனர் வல்­லு­னர்கள். வீடு வாங்க விரும்­பு­கி­ற­வர்கள், மற்ற அம்­சங்கள் எல்லாம் தேவைக்­கேற்ப அமைந்­தி­ருக்கும் பட்­சத்தில் குறிப்­பிட்ட குடி­யி­ருப்பு திட்­டத்தில் வீடு வாங்க நினைத்தால் அது குறித்து உறு­தி­யான முடிவு எடுத்து நிறு­வ­னத்தை அணு­கு­வது நல்ல பலன் தரும் என்­கின்­றனர்.
ஏனெனில், பல வீடு­களை பரி­சீ­லித்துக் கொண்­டி­ருப்­ப­வர்­களை விட, குறிப்­பிட்ட வீட்டை வாங்க முடிவு செய்து விட்­ட­வர்­க­ளுக்கு சலு­கை­களை அளிக்க நிறு­வ­னங்கள் தயா­ராக இருக்­கின்­றன என்­கின்­றனர். மேலும், அளிக்­கப்­படும் சலுகை குறிப்­பிட்ட நிறு­வ­னத்தின் திட்டம் எந்த அளவு விற்­ப­னை­யாகி கொண்­டி­ருக்­கி­றது என்பதை பொருத்தும் அமையும். அதே போல இல­வச மாடுலர் கிச்சன், அல்­லது பர்­னிச்­சர்கள் போன்­றவை அளிக்­கப்­பட்டால் அவை தேவைக்கு ஏற்ப அமைந்துள்­ள­வையா என்­பதை உறுதி செய்து கொள்ள வேண்டும். வங்­கிகள் மற்றும் வங்­கி­சாரா நிதி நிறு­வனங்கள் அளிக்கும் வீட்­டுக்­கடன் சலு­கை­களை பொருத்­த­வரை வட்டி விகிதம் உள்­ளிட்ட அம்­சங்­களை கவ­னத்தில் கொள்ள வேண்டும்.
நுகர்வோர் பொருட்கள்பிரிஜ், ‘டிவி’, வாஷிங் மிஷின் உள்ளிட்ட நுகர்வோர் பொருட்­களை பொருத்­த­வரை நீட்­டிக்­கப்­பட்ட வாரெண்டி, வாங்கும் போது பரி­சுகள், குலுக்கல் முறையில் பரி­சுகள், இ.எம்.ஐ., சலுகை, கேஷ்பேக் சலுகை உள்­ளிட்­டவை வழங்­கப்­ப­டு­கின்றன. ஆனால், சலு­கையில் தரப்­படும் பொருட்கள் சமீ­பத்­திய தொழில்­நுட்­பங்­களை கொண்­டி­ருக்கும் புதிய மாதி­ரியா என்பதை உறுதி செய்து கொள்ள வேண்டும். மற்ற அம்­சங்­க­ளையும் பரி­சீ­லிக்க வேண்டும். பிராண்ட்­க­ளையும் கவ­னிக்க வேண்டும். இணை­யத்தில் அந்த பொருட்­களின் விலையை ஆய்வு செய்து ஒப்­பிட்டு பார்ப்­பதும் நல்­லது. டீலர்கள் மற்றும் பிராண்ட்கள் தனித்­த­னியே சலு­கை­களை வழங்­கு­வதும் உண்டு. டீலர்கள் அளிக்கும் சலு­கை­யோடு, பிராண்ட்கள் அளிக்கும் சலு­கையும் இணைந்­துள்­ளதா என்­பதை சரி பார்த்­துக்­கொள்ள வேண்டும்.
வாக­னங்கள்இரு­சக்­கர வாக­னங்கள், கார்­களும் கூட இந்த பட்­டி­யலில் வரு­கின்­றன. ஆனால், கார்கள் விஷ­யத்தில் சலு­கை­களை மட்டும் பார்க்க கூடாது என்று வல்­லு­னர்கள் அறி­வு­றுத்­து­கின்­றனர். முதல் பட்­ஜெட்டை தீர்­மா­னித்து அத­ன­டிப்­ப­டையில் காரை தேர்வு செய்து அதன் பிறகு சலு­கை­களை கவ­னிக்க வேண்டும் என்­கின்­றனர். எளிய கடன் வசதி, காப்­பீடும், எக்ஸ்சேஞ்ச், தங்க நாணயம் என பல சலு­கைகள் முன்­வைக்­கப்­பட்­டாலும் இறுதி விலை மற்றும் ஒட்­டு­மொத்த பலன் சாத­க­மாக இருக்­கி­றதா என பார்க்க வேண்டும். எனவே, சலு­கை­களை மட்டும் பார்த்து மயங்கி விடாமல், வாங்கும் பொருள் தர­மா­னதும், நமக்கு தேவை­யா­னதும் தானா என்­பதை தீர்­மா­னித்­துக்­கொள்ள வேண்டும்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 10,2016

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 10,2016

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 10,2016

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 10,2016

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 10,2016

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்