பதிவு செய்த நாள்
20 மார்2017
03:55
பட்ஜெட் போட்டு செலவு செய்வதன் முக்கியத்துவத்தை, பலரும் உணர்ந்திருந்தாலும், இதை நடைமுறைப்படுத்துவது என்பது சவாலாகவே இருக்கிறது. பட்ஜெட்டிற்குள் செலவுகளை கட்டுப்படுத்தாமல், தடுமாறுவது தான், இதற்கு ஒரு காரணம். இதற்காக, பட்ஜெட்டை கைவிட வேண்டிய அவசியமில்லை. மேலும், சிக்கலாக்கி கொள்ளவும் வேண்டாம். பட்ஜெட்டை எளிமையாக்குவதன் மூலம், இதை வெற்றிகரமாக எதிர்கொள்ளலாம்.
சிக்கல் வேண்டாம்! பொதுவாக குடும்பத்திற்கான பட்ஜெட் எனும் போது, வருமானத்தை பட்டியலிட்டு, செலவுகளையும் பட்டியலிட்டு, ஒவ்வொரு செலவுக்கான பணத்தை ஒதுக்குவது வழக்கம். செலவுகளை தனித்தனி பிரிவுகளின் கீழ் வகைப்படுத்தி, அந்த பிரிவுகளுக்கான தொகையை ஒதுக்கிய பின், அதை மீறாமல் இருக்க, செலவுகளை கண்காணித்து கொண்டிருக்க வேண்டும். எல்லா வகையான செலவுகளையும் கவனத்தில் கொள்ளும் வகையில், பட்ஜெட் விரிவாக அமைந்திருக்க வேண்டும்.
மூன்று பிரிவுகள்விரிவான பட்ஜெட் போடுவது நல்லது தான் என்றாலும், செலவு வகைகளும், அவற்றுக்கான வரம்புகளும், குழப்பத்தை ஏற்படுத்தலாம். ஒரு சில பிரிவுகளில் அதிகம் செலவானால் மற்ற பிரிவில் துண்டு விழும். இதை தவிர்க்க, பட்ஜெட் செலவு வகைகளை, மூன்று பிரிவுகளாக பிரித்துக் கொண்டால் போதுமானது. நிலையான செலவுகள், மாறக்கூடிய செலவுகள், மாறக்கூடிய செலவுகளில் தவிர்க்க இயலாதவை என, மூன்று விதமான பிரிவுகள் போதும். வேறு எந்த குழப்பமான பிரிவுகளும் தேவையில்லை.
என்ன செலவுகள் * நிலையான செலவுகள்: மாத வாடகை அல்லது வீட்டு கடன் தவணை, வாகன கடன், காப்பீடு போன்ற செலவுகள் நிலையானவை. சேமிப்பும் இந்த பிரிவில் தான் வரும்.* மாறும் செலவுகள்: மாதா மாதம் மாறக்கூடிய செலவுகள். இவற்றை இரு பிரிவாக பிரித்துக்கொள்ள வேண்டும். அத்தியாவசியமானவை மற்றும் தவிர்க்க கூடியவை. பில் கட்டணம், துணிமணிகள், மளிகை பொருட்கள், தொலைபேசி கட்டணம் போன்றவை, இதன் கீழ் வரும். அவசர கால நிதிக்கான தொகையும் இதில் அடங்கும். * தவிர்க்க கூடியவை: கேபிள் கட்டணம், பொழுதுபோக்கு செலவுகள், வெளியே சாப்பிடுவது, விடுமுறை செலவு போன்றவை இதில் வரும்.
எது முக்கியம்?இந்த மூன்று வகைகளை கவனிக்கும் போதே, செலவுகளின் முக்கியத்துவத்தை புரிந்து கொள்ளலாம். முதல் ரகம் மற்றும் இரண்டாவது ரகம், தவிர்க்க இயலாத செலவுகள். வருமானம் மற்றும் பொறுப்புகளுக்கு ஏற்ப, மூன்றாவது ரக செலவுகளில் இழுத்துப் பிடித்தால் போதுமானது. இந்த முறையை கடைபிடிப்பதன் மூலம், எதிர்காலத்தில் எந்த அளவு சேமிப்பது சாத்தியம் என்பதையும், அறிந்து கொள்ளலாம். கடைபிடிக்கவும் எளிது.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|