பதிவு செய்த நாள்
04 மே2017
07:40
சென்னை : இருசக்கர வாகன விற்பனையில் முன்னணியில் உள்ள, டி.வி.எஸ்., மோட்டார் நிறுவனம், கடந்த ஏப்ரலில், 2.46 லட்சம் வாகனங்களை விற்பனை செய்துள்ளது. இது, முந்தைய ஆண்டின், இதே மாதத்தில், 2.27 லட்சமாக குறைந்திருந்தது.இதே காலத்தில், இந்நிறுவனத்தின் மொத்த இருசக்கர வாகன விற்பனை, 8.39 சதவீதம் உயர்ந்து, 2.22 லட்சத்தில் இருந்து, 2.41 லட்சமாக அதிகரித்துள்ளது. அதில், உள்நாட்டில் விற்பனையான வாகனங்கள் எண்ணிக்கை, 1.97 லட்சத்தில் இருந்து, 2.05 லட்சமாக உயர்ந்துள்ளது.ஸ்கூட்டர் விற்பனை, 28.57 சதவீதம் உயர்ந்து, 63,341ல் இருந்து, 81,443 ஆக அதிகரித்துள்ளது. மோட்டார் சைக்கிள் விற்பனை, 10.38 சதவீதம் அதிகரித்து, 90,491ல் இருந்து, 99,890 ஆக உயர்ந்து உள்ளது.கடந்த மாதம், டி.வி.எஸ்., 40,221 வாகனங்களை ஏற்றுமதி செய்துள்ளது. இது, முந்தைய ஆண்டின் இதே மாதத்தில், 28,354 ஆக இருந்தது. இதே காலத்தில், இருசக்கர வாகன ஏற்றுமதி, 35,485 என்ற எண்ணிக்கையிலும்; மூன்று சக்கர வாகன ஏற்றுமதி, 5,303 என்ற எண்ணிக்கையில் உள்ளது.
மேலும் பொது செய்திகள்
|
Advertisement
|
Advertisement
|
Advertisement
|
|
|
|