பதிவு செய்த நாள்
06 ஆக2017
01:58
சார், நான், ‘பிராண்டு’ பெயரில், அரிசி மற்றும் ‘பிராண்டு’ அல்லாத அரிசி வியாபாரத்தில் ஈடுபட்டுள்ளேன். ‘பிராண்டு’ உள்ள அரிசிக்கு, 5 சதவீத வரி, ‘பிராண்டு’ அல்லாத அரிசிக்கு, வரி ஏதும் விதிக்கப்படவில்லை. நான், ஒரே விலைப் பட்டியலில், இரண்டு வகை அரிசியையும் விற்பனை செய்ய இயலுமா?– ஜோசப், நெல்லைநீங்கள் கூறிய பரிவர்த்தனையில், ஒரே விலைப் பட்டியலில், வரியில்லாத அரிசியையும் சேர்த்து விற்பனை செய்யலாம்.
நாங்கள், ‘ஜாப் ஒர்க்’ முறையில், ‘டெக்ஸ்டைல்’ துணிகளை தைத்து, ஆயத்த ஆடையாக்கி, முதன்மை வழங்குனருக்கு வழங்கி வருகிறோம். இதற்கு எத்தனை சதவீதம் வரி வரும்?– சுந்தரம், சென்னைஇத்தகைய பணிக்கு சலுகை வரியாக, 5 சதவீதம், ஜி.எஸ்.டி., விதிக்க வேண்டும்.
நாங்கள், சர்க்கரை ஆலையிலிருந்து கரும்பு சக்கை வாங்கி, அதை காகிதம் தயாரிக்க உபயோகப்படுத்துகிறோம். இத்தகைய கரும்பு சக்கைக்கு, 12 சதவீத வரி என, கூறுகின்றனர். இது, சரியான விகிதமா?– பாவேந்தன், திருச்சிகரும்பு சக்கையை, ஆலையிலிருந்து பெறும் போது, அதற்கு, 5 சதவீதம் தான் (2.5 + 2.5) வரி விதிக்க வேண்டும். 12 சதவீதம் என்பது தவறானது.
சார், நாங்கள் உணவகம் நடத்தி வருகிறோம். அதில் அரவை இயந்திரம், மிக்சி மற்றும் குளிர்சாதன பெட்டி போன்றவை வாங்கும் போது செலுத்தும், ஜி.எஸ்.டி.,யை, உள்ளீட்டு வரி பயனாக பெற முடியுமா? அதை செலுத்த வேண்டிய வரி தொகையிலிருந்து கழித்துக் கொள்ள முடியுமா?– குமரேஷ், ஈரோடுநீங்கள், வியாபார நிமித்தமாக செலுத்திய அனைத்து, ஜி.எஸ்.டி.,யையும், உள்ளீட்டு வரி பயனாக பெற முடியும். நீங்கள் கூறிய, அனைத்து தொழில் உபகரணங்களுக்கும் உள்ளீட்டு வரி பயன் உண்டு.
நாங்கள், புதுச்சேரியில் வீட்டு உட்புற வேலைப்பாடு நிறுவனத்தை நடத்தி வருகிறோம். ஜி.எஸ்.டி., பதிவு எண் பெற்றுவிட்டோம். நாங்கள், சென்னையிலிருந்து பொருட்களை வாங்கினால், ஐ.ஜி.எஸ்.டி., வருகிறது. அதை, புதுச்சேரியில் செலுத்த வேண்டிய வரியில் கழித்து கொள்ளலாமா?– ராஜேஷ், புதுவைஇதை, ஏற்கனவே விளக்கி உள்ளோம். நீங்கள், சென்னையில்இருந்து செய்த கொள்முதலில் செலுத்திய, ஐ.ஜி.எஸ்.டி.,யை, உள்ளீட்டு வரி பயனாக பெற்று கொள்ளலாம். இதில், எந்த தடையும் இல்லை.
வேறு மாநிலத்தில் உள்ள, எங்களது கிளை நிறுவனத்திற்கு, இதற்கு முன் எந்த பதிவும் பெறவில்லை. இப்போது, தமிழகத்தில் உள்ள எங்களது பதிவு எண்ணில், அந்த கிளை நிறுவனத்தை, கூடுதல் தொழில் இடமாக சேர்க்க முடியுமா?– அறிவழகன், விழுப்புரம்உங்களது கிளை, ஒரே மாநிலத்தில் இருந்தால், தாராளமாக சேர்த்துக் கொள்ளலாம். ஆனால், நீங்கள் கூறிய, உங்கள் கிளை வேறு மாநிலத்தில் உள்ள காரணத்தால், அத்தகைய கிளையை, அந்த மாநிலத்தில் தான், புதிய பதிவிற்காக விண்ணப்பிக்க வேண்டும்.
நாங்கள், எங்களின் முகவர்கள் மூலமாக, தமிழகத்தின் பல்வேறு இடங்களில் விற்பனை செய்து வருகிறோம். எங்களுடைய முகவர்கள், வேறு சில விற்பனையாளர்களுக்கு முகவர்களாக உள்ளனர். இந்நிலையில், ஜி.எஸ்.டி., சட்ட விதிகளின்படி, முகவர்களின் விற்பனை தொகையும், எங்களுடைய விற்பனை தொகையாக கருதப்படுமா?– மன்சூர், காரைக்கால்முகவர்களின் விற்பனை தொகை, முதன்மை சப்ளையரின் விற்பனையாக கருதப்படாது. எனவே, அது குறித்து கவலை வேண்டாம்.
நாங்கள், ‘தீம் பார்க்’ ஒன்றை, கோவை அருகே நடத்தி வருகிறோம். இதற்கு நுழைவு கட்டணம் வசூல் செய்யும் போது, ஜி.எஸ்.டி., எத்தனை சதவீதம் வசூலிக்க வேண்டும்?– அமீத், கோவைகண்காட்சி, பொழுது போக்கு பூங்கா போன்றவற்றிற்கு நுழைவு கட்டணம் வசூலித்தால், அதில், 28 சதவீதம், ஜி.எஸ்.டி., வசூல் செய்து செலுத்த வேண்டும்.
சார், முதலில் நான், என் பெயரில் சேவை வரி பதிவு செய்திருந்தேன். ‘மைக்ரேஷன்’ முறையில், தற்காலிக பதிவு எண் பெற்று விட்டேன். இப்போது, ஜி.எஸ்.டி., பதிவை என் நிறுவனத்தின் பெயரில் மாற்ற முடியுமா?– ரங்கநாதன், விருதுநகர்ஒரே, ‘பான்’ எண் உள்ள உங்கள் நிறுவனத்தின் பெயரில், மாற்றம் செய்து கொள்ளலாம். நீங்கள், ஆர்.இ.ஜி., 26 எனும் படிவத்தில், உங்களின் தற்காலிக பதிவை நிரந்தர பதிவாக மாற்றும் போது, பெயர் மாற்றம் செய்து கொள்ளலாம்.
மேலும் பொது செய்திகள்
|
Advertisement
|
Advertisement
|
Advertisement
|
|
|
|