பதிவு செய்த நாள்
26 செப்2017
00:20
புதுடில்லி : எரிசக்தி துறையில், சொத்து மதிப்பு, விற்றுமுதல், லாபம், முதலீடு சார்ந்த வருவாய் ஆகிய, நான்கு அம்சங்கள் அடிப்படையில், உலகளவில், ரிலையன்ஸ் இண்டஸ்ட்ரீஸ் நிறுவனம், மூன்றாவது இடத்திற்கு முன்னேறி உள்ளது.
அமெரிக்காவைச் சேர்ந்த, ‘எஸ் அண்டு பி குளோபல் பிளாட்ஸ்’ நிறுவனம், எரிசக்தி துறையில், இந்தாண்டின் மிகச் சிறந்த, 250 நிறுவனங்களின் பட்டியலை வெளியிட்டு உள்ளது. அதில், ரஷ்யாவின், காஸ்ப்ரம் நிறுவனம், அமெரிக்காவின், எக்ஸ்கான் மொபைல் நிறுவனத்தை விஞ்சி, முதலிடத்தை பிடித்துள்ளது. எக்ஸ்கான் மொபைல் நிறுவனம், 12 ஆண்டுகளாக, முதலிடத்தில் இருந்தது.
கடந்த ஆண்டு, 114வது இடத்தில் இருந்த, ஜெர்மனியின், இ.ஆன் நிறுவனம், இந்தாண்டு, 112 நிறுவனங்களை கடந்து, 2வது இடத்திற்கு முன்னேறி உள்ளது. இந்நிறுவனத்தின் சொத்து மதிப்பு, வருவாய் உள்ளிட்டவை, சிறப்பான வளர்ச்சி கண்டுள்ளதால், இது சாத்தியமாகி உள்ளது. ரிலையன்ஸ் இண்டஸ்ட்ரீஸ், ஐந்து நிறுவனங்களை பின்னுக்கு தள்ளி, மூன்றாவது இடத்திற்கு முன்னேறி உள்ளது. கடந்த ஆண்டு, இந்நிறுவனம், 7வது இடத்தில் இருந்தது.
பட்டியலில் இடம் பெற்றுள்ள, அனைத்து நிறுவனங்களின் சொத்து மதிப்பு, 550 கோடி டாலருக்கும் அதிகமாக உள்ளது. இந்த பட்டியலில், கோல் இந்தியா நிறுவனம், 45வது இடத்திற்கு தள்ளப்பட்டு உள்ளது. கடந்த ஆண்டு, இந்நிறுவனம், 38வது இடத்தில் இருந்தது. ஆசிய அளவில், நிலக்கரி உற்பத்தி சரிவடைந்து உள்ளது. சீனாவின் நிலக்கரி உற்பத்தி, 7.9 சதவீதம் குறைந்துள்ளது. இந்த பட்டியலில், முதல், 10 இடங்களில் உள்ள, எரிசக்தி நிறுவனங்களின் வருவாய், 30 சதவீதம் உயர்ந்து, 1.10 லட்சம் கோடி டாலராக அதிகரித்துள்ளது. இது, கடந்த ஆண்டு, 83,020 கோடி டாலராக இருந்தது.
அதே சமயம், இதே காலத்தில், இந்நிறுவனங்களின் லாபம், 14 சதவீதம் குறைந்து, 7,430 கோடி டாலரில் இருந்து, 6,370 கோடி டாலராக குறைந்துள்ளது.இந்திய நிறுவனங்களில், பாரத் பெட்ரோலியம் கார்ப்பரேஷன், 39வது இடத்தை பிடித்துள்ளது. இந்துஸ்தான் பெட்ரோலியம், 48வது இடத்திலும், பவர் கிரிட் கார்ப்பரேஷன், 81வது இடத்திலும் உள்ளன. கெயில் இந்தியா நிறுவனம், 106வது இடத்தில் உள்ளது. இவ்வாறு அதில் கூறப்பட்டுள்ளது.
‘டாப் – 5’ நிறுவனங்கள்
ரஷ்யா - காஸ்ப்ரம்ஜெர்மனி - இ.ஆன்இந்தியா - ரிலையன்ஸ் இண்டஸ்ட்ரீஸ்தென் கொரியா - கொரியா எலக்ட்ரிக் பவர்சீனா - சீனா பெட்ரோலியம் அண்டு கெமிக்கல்
மேலும் பொது செய்திகள்
|
Advertisement
|
Advertisement
|
Advertisement
|
|
|
|