பதிவு செய்த நாள்
02 அக்2017
01:05
கச்சா எண்ணெய்
சர்வதேச சந்தையில், பல வாரங்களுக்குப் பின், முதல் முறையாக, ஒரு பேரல், 50 டாலரைக் கடந்து, வியாபாரமாகியது. உலகளவில் நிலவி வரும் அசாதாரணமான சூழல் மற்றும் ஒபெக் உறுப்பு நாடுகள், தங்களது உற்பத்தி குறைப்பு நடவடிக்கையை சரிவர அமல்படுத்தும் என்ற தீர்மானம், அதன் காலக்கெடுவை நீட்டிப்பது பற்றிய ஆலோசனை, இதுவே, சந்தையில் கச்சா எண்ணெய் விலை அதிகரிப்பிற்கு காரணமாகியது.
கடந்த மூன்று வாரங்களாக, எண்ணெய் விலையானது, ஒரு பேரல், 47 டாலரில் இருந்து அதிகரித்து, 52.85 டாலர் என்ற உச்சத்தை தொட்டது. தற்போது, ஒரு பேரல், 51.85 என்ற நிலையில் உள்ளது.செப்டம்பர் மாதம் உற்பத்தி குறைப்பு நடவடிக்கையானது, 86 சதவீதம் அளவுக்கு இலக்கை அடைந்ததாகவும், இது முந்தைய மாதமான, ஆகஸ்டில், 89 சதவீதமாக இருந்தது எனவும், ஒபெக் புள்ளிவிபரம் தெரிவிக்கிறது.இதன் அடிப்படையில் பார்க்கும்போது, அனைத்து உறுப்பு நாடுகளும் உற்பத்தி குறைப்பில் ஆர்வம் காட்டி வருவது தென்படுகிறது.
சமீபகாலமாக நிலவி வரும் அசாதாரணமான சூழல், எண்ணெய் விலை உயர்வுக்கு சாதகமாக அமைந்தது. வட கொரியா – அமெரிக்கா நாடுகளுக்கு இடையேயான மோதல் போக்கு, ஈராக் –குர்திஸ்தான் அமைப்பு மோதல், ஏமன் நாட்டில் ஏற்பட்டிருக்கும் உள்நாட்டுப் பூசல் போன்றவை, அசாதாரணமான சூழல் அமைய காரணமாகியது.
அமெரிக்காவில் ஏற்பட்ட சூறாவளி புயலால், ஆழ்குழாய் எண்ணெய் உற்பத்தி மற்றும் சுத்திகரிப்பு ஆலைகள் பாதிப்புக்கு உள்ளாகின.இதனால், அந்நாட்டு எண்ணெய் உற்பத்தியில்தொய்வு நிலை காணப்படுகிறது. வரும் நாட்களில் விலை உயர்ந்து காணப்பட வாய்ப்புள்ளது.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 3,330 3,240 3,430 3,550என்.ஒய்.எம்.இ.எக்ஸ்., (டாலர்) 50.50 49.10 51.85 53.00
தங்கம், வெள்ளி
கடந்த வாரம் தங்கத்தின் விலை சரிவைச் சந்தித்தது. தங்கம், ஒரு அவுன்ஸ், 1,280 டாலராகவும், வெள்ளி, ஒரு அவுன்ஸ், 16.58 டாலராகவும் இருந்தது. சதவீதம் அளவில், தங்கம், 6 சதவீதமும், வெள்ளி, 9 சதவீதமும் குறைந்துள்ளது.
அமெரிக்க நாணய குறியீடான, டாலர் இன்டெக்ஸ், ஒன்பது மாத சரிவில் இருந்து, செப்டம்பர் மாதம், சிறிய உயர்வைக் கணடது. கடந்த ஆண்டு, டிசம்பர் மாதம், இன்டெக்ஸ் குறியீடு, 102.65 ஆக இருந்தது. பின், இறக்கம் கண்டு, செப்டம்பர் முதல் வாரம், 91.13 ஆக, 11 சதவீதம் குறைந்தது. செப்டம்பர், 2ம் தேதி முதல், குறியீடு உயரத் துவங்கியது. இதே கால அளவில், தங்கம் மற்றும் வெள்ளி விலைகள் குறையத் துவங்கின.
டாலர் இன்டெக்சும், தங்கம் மற்றும் வெள்ளி விலைகளும் எதிர்மறையான போக்கு கொண்டவையாகும். ஒன்று உயரும் போது, மற்றொன்று குறையும்.உதாரணமாக, கடந்த ஆண்டு, டிசம்பர் மாதம், தங்கம் விலை, ஒரு அவுன்ஸ், 1,125 டாலரில் இருந்து, செப்டம்பர் மாதம், 1,357 டாலராக உயர்ந்தது. இதே கால அளவில், டாலர் இன்டெக்ஸ், 11 சதவீதம் அளவுக்கு குறைந்திருந்தது.
அமெரிக்க பணவீக்க விகிதம் குறைந்து வரும் சூழல் உள்ளது. மேலும், வாடிக்கையாளர் செலவினம் உயர்ந்து வருகிறது. இதன் காரணமாக, வரும் டிசம்பர் மாதம் நடைபெற உள்ள, வட்டி விகித கூட்டத்தில், வட்டி விகிதம், 0.25 சதவீதம் உயர்த்தப்படும் என, எதிர்பார்க்கப்படுகிறது. இதுவும் தங்கம், வெள்ளி விலை குறைய காரணமாகியது.வரும் நாட்களில், வெள்ளியன்று வெளிவர உள்ள, அமெரிக்க என்.எப்.பி., காரணி, சந்தையின் போக்கை நிச்சயிக்கும்.
தங்கம்
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 29,500 29,330 29,680 30,050காம்எக்ஸ் (டாலர்) 1,280 1,272 1,291 1,300
வெள்ளி
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 39,300 38,610 39,890 40,500காம்எக்ஸ் (டாலர்) 16.60 16.22 16.90 17.25
செம்பு
கடந்த நான்கு மாதத்தில், அதாவது, ஜூன் முதல் செப்டம்பர் வரையிலான காலகட்டத்தில், செம்பின் விலையில் ஏறுமுகம் காணப்படுகிறது. சுரங்க உற்பத்தியில் ஏற்பட்ட பாதிப்பு மற்றும் தேவை அதிகரிக்கும் என்ற எதிர்பார்ப்பும் இதற்கு முக்கிய காரணங்கள் ஆகும். இருப்பினும், வெள்ளியன்று வெளிவந்த, சீனாவின் தொழில் துறை பொருளாதார காரணியான, பி.எம்.ஐ., கடந்த ஆகஸ்ட் மாதம், 51.6 ஆக இருந்தது. இது, செப்டம்பர் மாதம், 51.0 ஆக குறைந்துள்ளது. இதன் காரணமாக, வரும் நாட்களில், செம்பின் விலையில், சிறிய அளவில் இறக்கம் காணப்பட வாய்ப்பிருப்பதாக கருதப்படுகிறது. மேலும், அமெரிக்க நாணயத்தின் மதிப்பு உயர்வும், செம்பின் விலையை பாதிக்கும்.
பொருள் வணிக முன்பேர சந்தையின் அளவுகள்சந்தை எஸ் 1 எஸ் 2 ஆர் 1 ஆர் 2 எம்.சி.எக்ஸ்., (ரூபாய்) 426.30 421.50 431.10 437.00
மேலும் பங்கு வர்த்தகம் செய்திகள்
|
Advertisement
|
Advertisement
|
Advertisement
|
|
|
|