பதிவு செய்த நாள்
02 அக்2017
01:12
நீங்கள் விரும்பும் எல்லாவற்றையும் பெறலாம் என ஊக்குவிக்கும் வகையில், வெற்றிகரமாக சொந்த வர்த்தகத்தை துவக்கி நடத்திய சுய அனுபவத்தின் அடிப்படையில், கற்றதை மற்றவர்களுக்கான வழிகாட்டுதலாக, ‘எனிதிங் யூ வான்ட்’ புத்தகத்தில் டெரேக் சைவர்ஸ் விவரிக்கிறார்:
பெரும்பாலானோருக்கு தாங்கள் செய்வதை ஏன் செய்து கொண்டிருக்கிறோம் என தெரியவில்லை. அவர்கள் மற்றவர்கள் செய்வதை நகலெடுக்கின்றனர். தங்கள் சொந்த வழியை காணாமல், மற்றவர்களின் பாதையில் செல்கின்றனர்.தங்களை மகிழ்ச்சியில் ஆழ்த்தாது என தெரியாமல், தங்களுக்கு தேவை என, மற்றவர்கள் ஒப்புக்கொள்ள வைத்ததை, பல ஆண்டுகளாக தேடிக் கொண்டு இருக்கின்றனர். உங்களை மகிழ்ச்சியில் ஆழ்த்தக்கூடியது எது என்பது தொடர்பான தனிப்பட்ட தத்துவம் உங்களுக்கு தேவை.
வர்த்தகம் என்பது பணம் அல்ல: அது தனக்கும் மற்றவர்களுக்கும் கனவை நினைவாக்கி கொள்வதாகும். ஒரு நிறுவனத்தை நடத்துவது என்பது, உங்களை மேம்படுத்திக் கொள்ளும் அதே நேரத்தில், உலகை மேம்படுத்துவதாகும். எந்த வர்த்தக திட்டமும் எளிதாக இருக்க வேண்டும். மற்றவை எல்லாம் நுணுக்கங்களில் இருக்கிறது. நம்மிடம் பல ஐடியாக்கள் இருக்கலாம். அவை வரவேற்பு பெறாத போது, மாற்றம் செய்து மேம்படுத்த வேண்டும். இது தான் எனக்குத் தேவை என, பலரும் கூறினால், அந்த சேவையை தொடரலாம். இல்லை எனில் விட்டு விடலாம். பூட்டிய கதவுகள் மீது மோதுவதில் காலத்தை செலவிட வேண்டாம்.
அதே போல் உங்களுக்கு வரும் வாய்ப்புகள் உற்சாகத்தில் ஆழ்த்தவில்லை எனில், தயங்காமல் மறுத்து விடுங்கள். மற்றவர்கள் எதிர்பார்ப்பில் இருந்து புரிந்து, தேவை எனில் உங்கள் திட்டத்தில் மாற்றம் செய்யுங்கள்.உங்கள் வர்த்தகத்தை விட வாடிக்கையாளர்கள் மீது கவனம் செலுத்துங்கள். எல்லா வர்த்தகமும் ஒரு தீர்வை அளிக்கவே செயல்படுகின்றன. அந்த தீர்வுக்கு தேவை இல்லை எனில் வர்த்தகமும் தேவையில்லை தான். எனவே தீர்வு காண்பதற்கான பிரச்னைகளை தேடுங்கள்.
உங்களுக்கு பணம் தேவையில்லை எனும் எண்ணத்தில் வர்த்தகத்தை துவக்குங்கள். அப்போது வாடிக்கையாளர்கள் தேடி வருவர். மோசமான எதிர்வினைகளால் கவலைப்பட வேண்டாம் . அவை மோசமான மனநிலையின் விளைவாக அமைந்திருக்கலாம். சிறிய விஷயங்கள் மாற்றத்தை ஏற்படுத்தலாம். எனவே சின்ன சின்ன விஷயங்களிலும் கவனம் செலுத்துங்கள். மற்றவர்களிடம் பொறுப்பை ஒப்படைக்கும் போது நம்பிக்கை வையுங்கள், ஆனால் அதற்கு முன் உறுதி செய்து கொள்ளுங்கள். பொறுப்புகளை ஒப்படை யுங்கள், ஆனால் முழுவதும் விட்டுவிலகி விடாதீர்கள்.
மேலும் வங்கி மற்றும் நிதி செய்திகள்
|
Advertisement
|
Advertisement
|
Advertisement
|
|
|
|