தேசிய பங்­குச் சந்தை குறி­யீடு, ‘நிப்டி’ கடந்த வாரம், வர­லாற்று உச்­சத்தை அதா­வது, 10,490 புள்­ளி­களை எட்­டி­யது. இருப்­பி­னும், இந்த உயர்வு நிலைக்­க­வில்லை. கடந்த வாரத்­தில், நான்கு நாட்­கள் சந்தை சரிவை சந்­தித்­தது. உள்­நாட்டு மற்­றும் வெளி­நாட்டு சந்­தை­களில் ஏற்­பட்ட வீழ்ச்­சியே, இதற்கு கார­ண­மா­கும்.


பண மதிப்பு நீக்க நட­வ­டிக்கை; ஜி.எஸ்.டி., அறி­மு­கம் ஆகி­யவை கார­ண­மாக, இந்­திய பொரு­ளா­தா­ரம் வளர்ச்­சி­யின்றி காணப்­ப­டு­கிறது. பண­வீக்க விகி­தம் உயர்ந்து வரு­கிறது; தொழிற்­சாலை உற்­பத்தி வளர்ச்சி குறைந்து வரு­கிறது. உள்­நாட்டு மொத்த உற்­பத்தி, இரு ஆண்டு வளர்ச்சி குறைவு நிலை­யில் உள்­ளது. இச்­சூ­ழ­லில், கடந்த வாரம் நடை­பெற்ற, ஜி.எஸ்.டி., கவுன்­சில் சந்­திப்­பில், 178 பொருட்­க­ளுக்கு வரி குறைக்­கப்­பட்டு உள்­ளது. மேலும், சிறு வணி­கர்­க­ளுக்­கான காம்­போ­சி­ஷன் வரி, மொத்த வியா­பார அள­வான, ஒரு கோடி ரூபா­யில் இருந்து, ஒன்­றரை கோடி ரூபா­யாக உயர்த்­தப்­பட்டு உள்­ளது. இது, இத்­துறை சார்ந்த நிறு­வ­னங்­க­ளுக்கு சாத­க­மாக இருக்­கும். மேலும், நுகர்வு பொருட்­கள், எலக்ட்­ரிக்­கல் பிட்­டிங்ஸ், செரா­மிக் டைல்ஸ் போன்ற துறை­க­ளைச் சார்ந்த பங்­கு­க­ளுக்­கும், இந்த வரி குறைப்பு சாத­க­மாக அமை­யும்.


சிமென்ட் மற்­றும் பெயின்ட் மீதான வரி­யில், மாற்­றம் இல்­லா­மல் போனது, அத்­து­றை­யி­ன­ருக்கு ஏமாற்­ற­மா­கும். இரு வாரங்­க­ளாக, சந்­தை­யின் ஏற்ற, இறக்­கங்­கள், ஜி.எஸ்.டி., மாற்­றத்­தின் மீதான எதிர்­பார்ப்­பில் அமைந்­தி­ருந்­தது. செப்­டம்­ப­ரின், தொழில் துறை வளர்ச்சி குறி­யீ­டான, ஐ.ஐ.பி., வளர்ச்சி விகி­தம், 4.5 சத­வீ­தத்­தில் இருந்து, 3.8 சத­வீ­த­மாக குறைந்து போனது. மேலும், நடப்பு நிதி­யாண்­டின், ஏப்., – செப்., வரை­யி­லான காலத்­தில், ஐ.ஐ.பி., வளர்ச்சி விகி­தம், 2.5 ஆகும். இதுவே, முந்­தைய நிதி­யாண்­டில், 5.8 ஆக இருந்­தது குறிப்­பி­டத்­தக்­கது.


அடுத்து, பண­வீக்க விகி­தம், மொத்த பொருட்­கள் மீதான பண­வீக்க விகி­தம் ஆகி­யவை வர உள்ளன. பண­வீக்க விகி­த­மான, சி.பி.ஐ., 3.2 சத­வீ­தத்­தில் இருந்து, 3.4 சத­வீ­த­மாக உய­ரும் என­வும், மொத்த விலை பண­வீக்க விகி­த­மான, டபிள்யு.பி.ஐ., 3 சத­வீ­தம் அதி­க­மாக இருக்­கும் என­வும் எதிர்­பார்க்­கப்­ப­டு­கிறது. மேலும், இந்த வாரம், அக்­டோ­ப­ரின் ஏற்­று­மதி, இறக்­கு­மதி புள்ளி விப­ர­மும் வர இருக்­கிறது. இன்­னும், சில முன்­னணி நிறு­வ­னங்­களின், இரண்­டாம் காலாண்டு முடி­வு­களும் வர இருக்­கின்றன. இவை யாவும், சந்­தை­யில் தாக்­கத்தை ஏற்­ப­டுத்­தும் என்­ப­தில் ஐய­மில்லை.


நிப்­டி­யின் அளவை பொறுத்­த­வரை, 10,245 புள்­ளி­க­ளுக்கு மேல் வர்த்­த­க­மா­கும் சூழ­லில், மீண்­டும் உயர வாய்ப்­புள்­ளது. அடுத்த இலக்கு, 10,460 மற்­றும் 10,565 ஆகும். சப்­போர்ட், 10,125. கடந்த வாரம், ஐரோப்பா மற்­றும் ஜப்­பான் சந்­தை­கள், குறு­கிய காலத்­திற்கு பின் சரி­வில் முடி­வ­டைந்­தது குறிப்­பி­டத்­தக்­கது.


கவ­னிக்க வேண்­டிய பங்­குகள்:

பேங்க் ஆப் பரோடான் பன்­சாரி, இன்­ஜி­னி­ய­ரிங், ஷாலி­மர் பெயின்ட்ஸ், லுபின், டியூப் இன்­வெஸ்ட்­மென்ட்ஸ்

மேலும் பங்கு வர்த்தகம் செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு நவம்பர் 12,2017

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் நவம்பர் 12,2017

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது நவம்பர் 12,2017

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி நவம்பர் 12,2017

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு நவம்பர் 12,2017

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்