ஊதிய உயர்­வுக்­காக பணி மாற்றம்ஊதிய உயர்­வுக்­காக பணி மாற்றம் ...  பங்குச்சந்தை  சந்தை மதிப்பை உணர்ந்த வால்­மார்ட் பங்குச்சந்தை சந்தை மதிப்பை உணர்ந்த வால்­மார்ட் ...
வர்த்தகம் » கம்மாடிட்டி
கமாடிட்டி சந்தை
எழுத்தின் அளவு:

பதிவு செய்த நாள்

14 மே
2018
00:29

கச்சா எண்ணெய்
சந்­தை­யில், கச்சா எண்­ணெய் விலை, கடந்த ஆண்டு செப்­டம்­பர் முதல், தொடர்ந்து ஒன்­பது மாதங்­க­ளாக உயர்ந்து வரு­கிறது.
தற்­போது எண்­ணெய் விலை­யா­னது, நான்கு ஆண்­டு­களில் இல்­லாத அள­வில், 1 பேரல், 71.88 டாலர் என்ற உச்­சத்தை கண்டு, 70.52 டாலர் என்ற நிலை­யில், கடந்த வெள்­ளி­யன்று வர்த்­த­கம் முடி­வுற்­றது.ஒபெக் மற்­றும் நான் ஒபெக் உறுப்பு நாடு­கள் மேற்­கொண்ட உற்­பத்தி குறைப்பு ஒப்­பந்­தம் கார­ண­மா­க­வும், சந்­தை­யில் எண்­ணெய் இருப்பு விகி­தம், கடந்த ஐந்து ஆண்டு சரா­ச­ரியை விட குறை­வாக இருக்­கிறது.இத­னால், தட்­டுப்­பாடு நில­வும் என்ற அச்­சத்­தில், எண்­ணெய் விலை, கிடு கிடு என உயர ஆரம்­பித்­தது. அத்­து­டன், அமெ­ரிக்க நாண­யத்­தின் மதிப்பு உயர்வு, ஆசிய நாண­யங்­க­ளின் மதிப்­பில் சரிவை உண்­டாக்­கி­யது.
இக்­கா­ர­ணங்­க­ளால், உள்­நாட்­டி­லும் பெட்­ரோ­லிய பொருட்­க­ளின் விலை கடு­மை­யாக உயர்ந்­துள்­ளது.மேலும், ஈரான் நாட்­டின் மீது, 2015ம் ஆண்டு, அமெ­ரிக்கா பொரு­ளா­தார தடை விதித்­தி­ருந்­தது. அதை தற்­போது விலக்­கி­யுள்­ளது. இதன் கார­ண­மாக, ஈரான் எண்­ணெய் ஏற்­று­மதி அதி­க­ரிக்க வாய்ப்­புள்­ளது. மேலும், அமெ­ரிக்க எண்­ணெய் உற்­பத்தி அதி­க­ரித்து வரு­கிறது. இதன் கார­ண­மாக, எண்­ணெய் விலை உயர்வு கட்­டுப்­ப­டுத்­தப்­ப­ட­லாம்.
இருப்­பி­னும், வரும், 22ம் தேதி, ஒபெக் மற்­றும் நான் ஒபெக் உறுப்பு நாடு­க­ளின் கமிட்டி கூட்­டம் நடை­பெற உள்­ளது. இக்­கூட்­டத்­தில், வரும் காலங்­களில் உற்­பத்தி குறைப்பு குறித்து ஆலோ­சிக்க உள்­ள­னர்.இந்த சூழ­லில், டபுள்யு.டி.ஐ., எண்­ணெய் விலை, 75 டாலர் வரை உயர வாய்ப்­புள்­ளது. எம்.சி.எக்ஸ்., பொருள் வணி­கத்­தில், 1 பேரல் தற்­போது, 4,790 ரூபாய் என்ற அள­வில் வர்த்­த­க­மா­கிறது.
தங்கம் வெள்ளி
தங்­கம் மற்­றும் வெள்ளி ஆகி­ய­வற்­றின் விலை­கள் கடந்த வாரம் குறைந்து, சரி­வில் வியா­பா­ரம் நடை­பெற்­றது.அமெ­ரிக்க சந்­தை­யில் வட்டி விகி­தம் வரும் கூட்­டத்­தில் உயர்த்­தப்­படும் என்ற எதிர்­பார்ப்­பா­லும், அமெ­ரிக்கா- – ---ஈரான் இடை­யே­யான அணு ஆயுத ஒப்­பந்­தம் மற்­றும் அமெ­ரிக்கா, ஈரான் மீது விதித்­தி­ருந்த பொரு­ளா­தார தடையை விலக்­கல், போன்ற கார­ணங்­க­ளால் நிலவி வந்த அசா­தா­ரண சூழல் குறைந்­தது கார­ண­மா­க­வும், தங்­கம் மற்­றும் வெள்ளி விலை­களில் சிறிது சரிவு, கடந்த வாரம் ஏற்­பட்­டது.
அத்­து­டன் அமெ­ரிக்க நாணய குறி­யீ­டான டாலர் இண்­டெக்ஸ் மதிப்பு, பிற­நாட்டு நாண­யங்­க­ளுக்கு எதி­ராக அதி­க­ரித்­த­தும் ஒரு கார­ண­மா­கும். மேலும், சிரியா நாட்­டின் கல­வ­ரம் கட்­டுக்­குள் கொண்­டு­வ­ரப்­படும் என்ற கண்­ணோட்­ட­மும் விலைக்கு பாத­க­மாக அமைந்­தது.பேங்க் ஆப் இங்­கி­லாந்து கவர்­னர், கடந்த வாரம் பேசு­கை­யில், வரும் மாதங்­களில் கணி­ச­மான அள­வில் வட்டி விகி­தம் உயர்த்­தப்­படும் என்று தெரி­வித்­தி­ருந்­தார்.
கடந்த, 2009ம் ஆண்டு, இந்­திய ரிசர்வ் வங்கி பன்­னாட்டு நிதி­யத்­தி­ட­மி­ருந்து, 200 டன் தங்­கத்தை கொள்­மு­தல் செய்­தது. தற்­போது, கடந்த மார்ச் மாதத்­தில், 2.5 டன் தங்­கம் கொள்­மு­தல் செய்­யப்­பட்டு உள்­ளது.இதன் மூல­ம், மொத்த தங்­கம் இருப்பு, மார்ச், 2018ல், 560.3 டன்­னாக உயர்ந்­தது. உல­கின் அனைத்து மத்­திய ரிசர்வ் வங்­கி­களும் அன்­னி­யச் செலா­வ­ணிக்­காக தங்க இருப்பை வைத்­துக்­கொள்­கின்­றன. இதில், அமெ­ரிக்கா, 8,133.5 டன்­னு­டன் முத­லி­டத்­தி­லும்; ஜெர்­மனி, 3,372.2 டன்­னு­டன் இரண்­டா­வது இடத்­தி­லும்; இந்­தியா, 560.3 டன்­னு­டன், 11வது இடத்­தி­லும் உள்­ளன.

செம்பு
சில வாரங்­க­ளாக சரி­வில் இருந்து வந்த செம்பு விலை, கடந்த வாரம் சிறிது உயர்ந்து வர்த்­த­க­மா­கி­யது. சீனா­வி­லி­ருந்து இறக்­கு­ம­தி­யா­கும் உருக்கு மற்­றும் அலு­மி­னி­யத்­துக்கு, அமெ­ரிக்கா அதி­க­மான இறக்­கு­மதி வரி விதித்த­தன் கார­ண­மாக, கடந்த சில வாரங்­க­ளாக விலை­யில் சரிவு ஏற்­பட்­டது. இருப்­பி­னும், அமெ­ரிக்க இறக்­கு­மதி குறை­யா­மல், சீனா­வின் ஏற்­று­மதி அதி­க­ரித்­தது. இதன் விளை­வாக, விலை­யேற்­றம் கண்­டது. மேலும், சீனா­வின் தொழில் துறை தேவை, செம்பு விலைக்கு சாத­க­மாக அமைந்­தது.

Advertisement

மேலும் கம்மாடிட்டி செய்திகள்

business news
புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்
business news
புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்
business news
புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்
business news
புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்
business news
புதுடில்லி-நாட்டின் தயாரிப்புத் துறை உற்பத்தி வளர்ச்சி, கடந்த ஜூலையில், எட்டு மாதங்களில் இல்லாத உயர்வை ... மேலும்
  தினமலர் முதல் பக்கம்
வர்த்தகம் முதல் பக்கம் »
Advertisement
Advertisement
Advertisement
dinamalar-advertisement-tariff-2018
  • தங்கம்
  • வெள்ளி
  • கரன்சி
  • மளிகை மார்க்கெட்
 
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g to toggle between English and Tamil)