புதுடில்லி:பொதுத் துறை­யைச் சேர்ந்த சிறிய வங்­கி­களின் வாராக் கடனை, பெரிய வங்­கி­க­ளுக்கு மாற்­று­வது குறித்து, மத்­திய அரசு பரி­சீ­லித்து வரு­கிறது.
வாராக் கடன் தொடர்­பான விதி­மு­றை­களை, ரிசர்வ் வங்கி கடு­மை­யாக்­கி­யுள்­ளது. இதன் விளை­வாக, வங்­கி­களின் வாராக் கடன் அதி­க­ரித்து, அதற்­கான நிதி ஒதுக்­கீட்டை உயர்த்த வேண்­டிய நிலை ஏற்­பட்­டுள்­ளது. இது, வங்­கி­களின் லாபத்தை பதம் பார்த்து, இழப்பை ஏற்­ப­டுத்­தி­யுள்­ளது.

இந்­நி­லை­யில், வாராக் கடன் சுமை கார­ண­மாக, பொதுத் துறை­யைச் சேர்ந்த, 12 வங்­கி­களை, தீவிர ஒழுங்கு நட­வ­டிக்கை பட்­டி­ய­லில், ரிசர்வ் வங்கி சேர்த்­துள்­ளது.இது தவிர, பல சிறிய வங்­கி­கள், பல­வீ­ன­மான நிறு­வ­னங்­க­ளி­டம் இருந்து வாராக் கடனை வசூ­லிக்க முடி­யா­மல் விழி பிதுங்கி நிற்­கின்றன. இது போன்ற வங்­கி­களின் வாராக் கடன்­களை, பெரிய வங்­கி­க­ளுக்கு மாற்­று­வது குறித்து, மத்­திய அரசு பரி­சீ­லித்து வரு­கிறது.

இது குறித்து, மத்­திய அரசு அதி­காரி ஒரு­வர் கூறி­ய­தா­வது:

கடந்த, 2017 – -18ம் நிதி­யாண்­டில், வங்­கித் துறை­யின் வாராக் கடன், 8.50 லட்­சம் கோடி ரூபாயை தாண்­டி­யுள்­ளது. இதே காலத்­தில், வங்­கி­களின் மொத்த இழப்பு, 73 ஆயி­ரம் கோடி ரூபாயை எட்­டி­யுள்­ளது.பல வங்­கி­கள், ரிசர்வ் வங்­கி­யின் கடு­மை­யான விதி­மு­றை­க­ளால், வாராக் கட­னுக்கு அதிக நிதி ஒதுக்கி, இழப்பை சந்­தித்­துள்ளன. இதன் கார­ண­மாக, வங்­கி­கள், நிதி­யா­தா­ரத்தை சமா­ளிக்க, மியூச்­சு­வல் பண்டு உள்­ளிட்ட பிற துறை­களில் செய்­துள்ள முத­லீ­டு­களை திரும்­பப் பெறத் துவங்­கி­உள்ளன.

மத்­திய நிதி­ய­மைச்­ச­க­மும், மறு பங்கு மூல­தன திட்­டத்­தின் கீழ், வங்­கி­க­ளுக்கு, நடப்பு நிதி­யாண்­டில், 65 ஆயி­ரம் கோடி ரூபாய் தான் ஒதுக்க முடி­யும் என, திட்­ட­வட்­ட­மாக தெரி­வித்து விட்­டது.வாராக் கடன் சுமை; பங்கு மூல­தன தேவையை சமா­ளிக்க, பங்கு வெளி­யீ­டு­களை மேற்­கொள்ள முடி­யாத நிலை; லாபத்­தில் சரிவு, இழப்பு என, பல வகை­யில் வங்­கி­கள் திண­றிக் கொண்­டி­ருக்­கின்றன.

அத­னால், பொதுத் துறை­யைச் சேர்ந்த, 21 வங்­கி­களில், சிறிய வங்­கி­களை தேர்வு செய்து, அவற்­றின் வாராக் கடன்­களை, பெரிய வங்­கிக்கு மாற்­றும் திட்­டம், பரி­சீ­ல­னை­யில் உள்­ளது.இதன் மூலம், வாராக் கடன் சுமை­யில் இருந்து சிறிய வங்­கி­கள் விடு­படும். அத்­து­டன், ரிசர்வ் வங்­கி­யின் விதி­மு­றை­களை பின்­பற்­றத் துவங்­கி­யுள்­ள­தால், எதிர்­கா­லத்­தில் வாராக் கடன் பிரச்னை தவிர்க்­கப்­படும்.

குறிப்­பாக, ஆந்­திரா வங்கி, தேனா வங்கி போன்ற சிறிய வங்­கி­களின், வாராக் கடன்­களை மாற்­ற­லாம். கடன் மீட்பு வங்கி குழு­வில் இந்த வங்­கி­கள் இடம் பெற்­றுள்ள போதி­லும், இவற்­றின் வாராக் கடன், 5 சத­வீத அள­விற்கே உள்­ளது.அத­னால், இவ்­வங்­கி­களின் வாராக் கடனை, ஸ்டேட் பேங்க் ஆப் இந்­தியா, பேங்க் ஆப் பரோடா போன்ற பெரிய வங்­கி­க­ளுக்கு மாற்­ற­லாம். விரை­வில், இத்­திட்­டம் குறித்த அறி­விப்பு வெளி­யா­கும் வாய்ப்­புள்­ளது.இவ்­வாறு அவர் கூறி­னார்.

ரிசர்வ் வங்கி, வாராக் கடன் உள்­ளிட்ட பல்­வேறு அம்­சங்­கள் அடிப்­ப­டை­யில், ஐ.டி.பி.ஐ., சென்ட்­ரல் பேங்க் ஆப் இந்­தியா, ஐ.ஓ.பி., அல­கா­பாத் வங்கி, பேங்க் ஆப் இந்­தியா உட்­பட, 12 வங்­கி­களை, ஒழுங்கு நட­வ­டிக்கை பட்­டி­ய­லில் இணைத்­துள்­ளது.

மேலும் வங்கி மற்றும் நிதி செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு ஜூன் 03,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் ஜூன் 03,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது ஜூன் 03,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி ஜூன் 03,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு ஜூன் 03,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்