நீண்ட இடைவெளிக்குப்பிறகு, சிறு சேமிப்பு திட்டங்களுக்கான வட்டி விகிதம் உயர்த்தப் பட்டுள்ள நிலையில், முதலீட்டாளர்கள் என்ன செய்ய வேண்டும் என்பது பற்றி ஒரு அலசல்.பண்­டிகை காலம் துவங்­கு­வ­தற்கு முன், முத­லீட்­டா­ளர்­க­ளுக்கு நல்ல செய்­தி­யாக, சிறு சேமிப்பு திட்­டங்­களுக்­கான வட்டி விகி­தம் உயர்த்­தப்­பட்­டுள்­ளது. நீண்ட இடை­வெ­ளிக்­குப்­பின் இது நிகழ்ந்­துள்­ளது. அதிக, ‘ரிஸ்க்’ எடுக்க விரும்­பாத முத­லீட்­டா­ளர்­க­ளுக்கு, நிச்­ச­யம் இது, மகிழ்ச்சி தரும் நட­வ­டிக்­கை­யா­கும். இதன் கார­ண­மாக சிறு­சே­மிப்பு திட்­டங்­கள் மீதான ஈர்ப்பு அதி­க­ரித்­துள்­ளது. இந்த பின்­ன­ணி­யில், சரா­சரி முத­லீட்­டா­ளர்­க­ளின் முத­லீட்டு உத்தி எப்­படி இருக்க வேண்­டும் எனும் கேள்வி எழு­கிறது. சிறு­சே­மிப்பு திட்­டங்­க­ளுக்­கான வட்டி விகித உயர்வு என்­பது, எந்த அள­வுக்கு பயன் தரக்­கூ­டியது, எனும் கேள்­வி­யும் எழு­கிறது.சிறு­சே­மிப்­பின் அருமைசிறு­சே­மிப்பு திட்­டங்­கள் பொது­வாக மூன்று வகைப்­ப­டு­கிறது. அஞ்­ச­லக சேமிப்பு கணக்கு, வைப்பு நிதி, தொடர் வைப்பு நிதி உள்­ளிட்ட அஞ்­ச­லக திட்­டங்­கள் முதல் வகை­யாக அமை­கின்­றன. தேசிய சேமிப்பு சான்­றி­தழ் மற்­றும் கிசான் விகாஸ் பத்­தி­ரம் போன்­றவை சேமிப்பு சான்­றி­தழ் திட்­ட­மாக அமை­கின்­றன. மூன்­றா­வ­தாக சமூக பாது­காப்பு திட்­டம் வரு­கிறது. பி.பி.எப்., மற்­றும் மூத்த குடி­ம­கன்­க­ளுக்­கான சேமிப்பு திட்­டம் இந்த பிரி­வின் கீழ் வரு­கிறது.சிறு­சே­மிப்பு திட்­டங்­கள் முத­லீட்டு நோக்­கில் முக்­கி­ய­மா­னவை என்­ப­தில் சந்­தே­கம் இல்லை. இவை சேமிப்பை ஊக்­கு­விப்­ப­தோடு, சமூக பாது­காப்­பை­யும் அளிக்­கின்­றன. சிறு சேமிப்பு திட்­டங்­க­ளுக்­கான வட்டி விகி­தம், காலாண்­டுக்கு ஒரு முறை மாற்றி அமைக்­கப்­ப­டு­கிறது. அரசு பத்­தி­ரங்­கள் தரும் பல­னுக்கு ஏற்ப, இவற்­றின் வட்டி விகி­தம் தீர்­மா­னிக்­கப்­ப­டு­கிறது. தற்­போது, அக்­டோ­பர் – டிசம்­பர் காலாண்­டிற்கு வட்டி விகி­தம், 40 அடிப்­படை புள்­ளி­கள் உயர்த்­தப்­பட்­டுள்­ளன. வட்டி விகி­தம் உயர்ந்­துள்ள சூழ­லில் சிறு­சே­மிப்பு திட்­டங்­கள் மீதான ஈர்ப்பு அதி­க­ரித்­துள்­ளது. அஞ்­ச­லக சேமிப்பு திட்­டங்­கள் இனி, 7.9 சத­வீ­தம் வரை பலன் அளிக்­கும். வட்டி விகித போக்கு, கச்சா எண்­ணெய் விலை, ஆகிய அம்­சங்­க­ளின் அடிப்­ப­டை­யில் குறு­கிய காலம் முதல் மத்­திய காலம் வரை, சிறு­சே­மிப்பு திட்ட வட்டி விகி­தம் உயர வாய்ப்பு இருப்­ப­தாக கரு­தப்­ப­டு­கிறது. முத­லீட்­டா­ளர்­க­ளைப் ­பொ­றுத்­த­ வரை, அவர்­க­ளின் நிதி இலக்கு, வரி வரம்பு மற்­றும் முத­லீட்டு காலத்­திற்கு ஏற்ப, இந்த திட்­டங்­க­ளின் முத­லீட்டை அதி­க­ரிப்­பதை பரி­சீ­லிக்­க­லாம் என்­கின்­ற­னர்.முத­லீடு உயர்வுஅதிக ரிஸ்கை விரும்­பாத முத­லீட்­டா­ளர்­கள், அஞ்­ச­லக சேமிப்பு மற்­றும் பி.பி.எப்., முத­லீட்டை நாட­லாம் என, கரு­தப்­ப­டு­கிறது. நீண்ட கால நோக்­கில் பெண் குழந்­தை­க­ளுக்­கான, செல்வ மகள் திட்­ட­மும், நல்ல பலன் தரும் வாய்ப்­புள்­ளது. ஆனால், அதிக வரி வரம்பு பிரி­வில் இருப்­ப­வர்­களை பொறுத்­த­வரை இவை தரும் பலன் குறை­வாக இருக்­க­லாம் என, கரு­தப்­ப­டு­கிறது. மித­மான ரிஸ்க் எடுக்­க­கூ­டிய முத­லீட்­டா­ளர்­க­ளுக்கு மியூச்­சு­வல் பண்ட் திட்­டங்­கள் ஏற்­பு­டை­ய­தாக இருக்­கும் என, கரு­தப்­ப­டு­கிறது.எனி­னும், முத­லீட்­டா­ளர்­கள் இந்த வட்டி விகித உயர்வை மட்­டுமே கருத்­தில் கொண்டு, இந்த திட்­டங்­களில் தீவி­ர­மாக முத­லீடு செய்­வதை தவிர்க்க வேண்­டும் என, வல்­லு­னர்­கள் கரு­து­கின்­ற­னர்.அதை­விட, பி.பி.எப்., அஞ்­ச­லக சேமிப்பு உள்­ளிட்ட திட்­டங்­க­ளுக்கு தேவை­யான தொகையை முத­லீடு செய்து, சந்தை சார்ந்த திட்­டங்­களிலும் முத­லீடு செய்­வது சரி­யான உத்­தி­யாக இருக்­கும் என, வல்­லு­னர்­கள் கூறு­கின்­ற­னர்.

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 01,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 01,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 01,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 01,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 01,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்