அவினாசி, அக். 2–ஆயுத பூஜை, தீபாவளியை முன்னிட்டு, சேவூர் ஒழுங்கு முறை விற்பனைக்கூடத்தில், நிலக்கடலை கொள்முதல் அதிகரிக்கத் துவங்கியிருக்கிறது.திருப்பூர் மாவட்டம், அவினாசி அருகே சேவூர் ஒழுங்கு முறை விற்பனைக்கூடத்தில், திங்கள் தோறும் நடக்கும் நிலக்கடலை ஏலத்தில், உள்ளூர் விவசாயிகள் மட்டுமன்றி, பிற மாவட்டங்களைச் சேர்ந்தவர்களும் பங்கேற்பர்.மதுரை, கோவில்பட்டி, விருதுநகர், உடுமலை, தாராபுரம், திண்டுக்கல் உள்ளிட்ட இடங்களில் இருந்து வரும் வியாபாரிகள், நிலக்கடலை கொள்முதல் செய்வர். சமையல் எண்ணெய், சாக்லேட், வறுகடலை தயாரிப்புக்கு, இங்கு கொள்முதல் செய்யப்படும் நிலக்கடலை அதிகளவில் பயன்படுத்தப்படுகிறது.
அவினாசி சுற்றுப்புற பகுதியில் கடந்தாண்டு போதிய மழை பெய்யாததால், நிலக்கடலை சாகுபடியில் விவசாயிகள் ஆர்வம் காட்டவில்லை. வரும் நாட்களில் ஆயுத பூஜை, தீபாவளி பண்டிகை வருவதால், நிலக்கடலைக்கு கிராக்கி அதிகரித்துள்ளது.நேற்று நடந்த ஏலத்தில், 3,600 மூட்டை (1 மூட்டை, 40 கிலோ) நிலக்கடலை ஏலத்துக்கு வந்தது.
முதல் தரமான நிலக்கடலை, கிலோ, 50 – 51 ரூபாய் வரை விற்கப்பட்டது.ஏலம் குறித்து, விற்பனைக்கூட கண்காணிப்பாளர், யுவராஜ் கூறுகையில், ‘‘கடந்தாண்டை ஒப்பிடுகையில் இந்தாண்டு, கிலோ நிலக்கடலைக்கு, 10 ரூபாய் கூடுதலாக விலை கிடைக்கிறது.‘‘விவசாயிகள், இருப்பில் வைத்துள்ள நிலக்கடலையை ஏலத்துக்கு கொண்டு வர வேண்டும். பண்டிகை காலம் வருவதால், வியாபாரிகள் அதிகளவில் ஏலத்தில் பங்கேற்றுள்ளனர்,’’ என்றார்

மேலும் பொது செய்திகள்

புதுமையான திருமண அழைப்பிதழ்ஹர்ஷ் கோயங்கா வியப்பு அக்டோபர் 02,2018

புதுடில்லி–ஆர்.பி.ஜி., குழுமத்தின் தலைவர் ஹர்ஷ் கோயங்கா, புதுமையான முறையில் அச்சிடப்பட்ட திருமண அழைப்பிதழ் ... மேலும்

அனல் காற்று வீசியதால் பண வீக்கம் அதிகரிக்கும் அக்டோபர் 02,2018

புதுடில்லி-–நடப்பு ஆண்டு துவக்கத்தில், அதிக அனல் காற்று வீசியதன் காரணமாக, நடப்பு ஆண்டில் பணவீக்கம் அதிகரிக்க ... மேலும்

பயணியர் வாகன விற்பனை ஜூலையில் ஏற்றம் கண்டது அக்டோபர் 02,2018

புதுடில்லி: கடந்த ஜூலை மாதத்தில், பயணியர் வாகனங்கள் விற்பனை ஏற்றத்தை கண்டுள்ளது. ‘மாருதி சுசூகி, ஹூண்டாய், டாடா ... மேலும்

ஜூலை ஜி.எஸ்.டி., வசூல்ரூ.1.49 லட்சம் கோடி அக்டோபர் 02,2018

புதுடில்லி-–கடந்த ஜூலை மாதத்தில், ஜி.எஸ்.டி., வசூல் 1.49 லட்சம் கோடி ரூபாயாக உயர்ந்துள்ளது. ஜி.எஸ்.டி., அறிமுகம் ... மேலும்

நாட்டின் முதல் '5ஜி' ஸ்பெக்ட்ரம் ஏலம்: ரூ.1.50 லட்சம் கோடியை அள்ளிய அரசு அக்டோபர் 02,2018

புதுடில்லி–நாட்டின் முதல் ‘5ஜி’ ஸ்பெக்ட்ரம் ஏலம், நேற்றுடன் முடிவடைந்தது. கடந்த ஏழு நாட்களாக நடைபெற்ற இந்த ... மேலும்